G.E.M.喺《我是歌手2》一夜爆紅，第3集仲攞埋第一名，隨即傳湖南衞視想請天后林憶蓮同G.E.M.同台鍊過，可惜憶蓮聽到G.E.M.個名即刻覺得級數唔同，一定要電視台答應踢走G.E.M.先肯參賽。
FBI八到，查實憶蓮根本唔志在上湖南衞視，賺每集100萬「人仔」酬勞，事關佢喺香港唱一個私人event已實收100萬，內地開騷更高叫120萬人仔，所以根本從來冇應承。憶蓮上星期亦喺新碟試聽會回應話：「Day 1開始都冇應承參加。」不過47歲嘅憶蓮，都好識氹啲妹妹仔，話自己一直「好欣賞G.E.M.」，呢啲咪師姐風範囉！
No comments:
Post a Comment