0117 00:01
林憶蓮新專輯《Re:Workz》今日（18號）面世，噚晚佢同男友恭碩良（Jun）以及音樂人Kelvin為新碟宣傳，並與歌迷舉行分享會，席間播出憶蓮新作《喜樂》MV。
今次呢張專輯，憶蓮重新演繹自己多首金曲，憶蓮同Jun台上大方合照，兩人仲禮貌咁握手，坐下時兩人有傾有講，現場仲播放《喜樂》MV，MV內有憶蓮及Jun齊齊做義工片段。
講到依家同男朋友一齊做嘢，心態有冇唔同？憶蓮就話：「冇乜唔同，都係做音樂，唔會諗唔好嘅嘢，一定諗好嘢，唔會有拗撬，大家方向一致。」咁同Jun私下有冇拗撬？佢話私下都唔會。
前晚憶蓮出席活動時，被問到係咪參加《我是歌手2》，當時佢只係話：「多謝多謝﹗」再提到有指憶蓮要叮走鄧紫棋（G.E.M.），憶蓮就保持笑容掉頭走。
噚晚憶蓮再被追問此事時，佢就話：「唔知消息喺邊度嚟，冇應承參加，因為檔期問題冇應承。」
憶蓮表示向來唔係好鍾意參加比賽，不過佢就有睇過相關節目，報道指佢叮走G.E.M.，憶蓮就話報道唔真確，佢又表示好欣賞G.E.M.呢位新晉女歌手。
No comments:
Post a Comment