忽然一周 : 林憶蓮型爆母女

2012-02-03
偉仔同嘉玲喺日本滑完雪，都趕返香港派利是。媽咪姐都唔例外o架，同Honey玩完一輪就返香港同各位拜年，點知一落機，就俾我撞到低調到暈，好難先見到佢一面嘅天后林憶蓮！
嗰日佢同個女李喜兒齊齊出埠。嘩！唔經唔覺，喜兒都13歲咯，同媽咪差唔多高，兩母女一身黑look，非常有型！只見憶蓮沿途同阿女有講有笑，而喜兒望住阿媽嘅眼神，充滿住崇拜同喜悅，真係溫馨！
又係嘅，憶蓮今年四十五歲，依然保養得宜，仲話學緊結他，三月又喺紅館開騷o忝！咁索咁型嘅阿媽，邊度搵吖？