2012-02-23
林憶蓮昨日宣佈加盟環球唱片，她否認因此踢走了謝安琪，並重申今次和環球是以拆賬形式合作，自己亦是老闆，並非外傳以800萬元簽約兩年做一姐。
很久沒出唱片的林憶蓮，昨日於紅磡出席加盟環球唱片簽約儀式，獲新公司送贈結他和價值六位數字的私家咪。對外傳憶蓮以800萬元簽約兩年，她否認說：「今次係簽約兩年，計劃出兩張國語同一張廣東碟，但係我要再一次澄清，今次係公司同公司以拆賬形式嘅合作，我負責音樂製作部份，環球負責發行同推廣。」
「與我無關」
至於總共投資多少？憶蓮則說︰「我冇計自己喺製作公司投資咗幾多錢，最緊要係做好唱片質素，同埋可以製作啲代表自己嘅音樂。」對有傳憶蓮加盟會加速謝安琪離開一事，她淡然否認︰「我冇聽過，亦同我完全無關。我反而覺得係加入咗個大家庭，一大班歌手，各有各嘅風格同特質。」同場的環球高層黃劍濤表示，正與謝安琪經理人洽談謝的去留問題。
No comments:
Post a Comment