2012-02-23
林憶蓮昨日穿斜膊連身裙出席加盟環球記者會，大方表示簽約2年，6年未有出碟的她，落實今年暑假推出國語專輯，相信餓了多年的樂迷最為興奮！
林憶蓮在記者會上收到環球唱片董事總經理黃劍濤（Duncan）送的木結他，及高級音響贊助6位數字的咪，她承認簽約環球2年：「今次係自己間創作公司同環球簽約，我負責歌曲製作部分，營銷同推廣就係環球，賣碟嘅錢大家一齊分。（簽2年？）係，2年會出2張國語、1張廣東碟，國語碟已經做好，應該暑假推出。」
Duncan望與Kay和平分手
將於下月舉行個唱的憶蓮表示既緊張又期待，對於有傳她加盟環球加速謝安琪（Kay）離開，憶蓮說：「相信同我完全冇關係，亦冇聽過呢個說法，環球有唔同歌手，各自都有自己特質同風格，應該唔受影響。」
至於Duncan強調仍與Kay經理人夏森美洽談解決方案：「夾唔到都希望和平分手同好嚟好去。（Kay得番下月舉行嘅悼念張國榮演唱會工作？）係。（告別作？）唔可以咁講，一直都係同夏森美傾，尊重遊戲規則，亦都有同Kay短訊。」
No comments:
Post a Comment