Friday, February 10, 2012

忽然1周 : 熟女天后空群復出 林憶蓮千五萬身價撼贏葉蒨文


2012-02-10
貴爲當今天后的陳慧琳、楊千嬅個個推Job趕生仔,未婚的鄭秀文則忙住拍拖,減少工作量。青黃不接,一班熟女天后則睇準時機,復出搶錢爭位,繼彭羚、關淑怡宣佈復出,本刊收到消息,葉蒨文今年九月份出山開演唱會前,便會落實以九百萬賣身東亞唱片嶽少旗下。至於基地一直在臺灣的林憶蓮,近日更秘密以天價千五萬簽約環球旗下當一姐,身價比葉蒨文更高。熟女天后個個唱得跳得,有咁多選擇,觀衆以後唔使齋睇容祖兒咁悶啦!
現年45歲的林憶蓮(Sandy),去年9月以神級唱功征服樂迷,演唱會叫好又叫座,鐵定下月初再次舉行個唱part 2。有價有市,今個月已約滿Revolution唱片公司的她,即獲多間唱片公司垂青,最終環球唱片開價千五萬,令她賣身兩年。
要有話事權
據知情者透露:「憶蓮本身有一班die hard歌迷,所以除咗環球外,之前金牌大風同東亞都有份爭。不過憶蓮講明出碟要自己揀歌同揀班底,金牌同東亞傾傾嚇冇咗下文,最後憶蓮撲槌簽環球,嚟緊 四月公佈加盟。」據知憶蓮加盟環球頭炮,便會爲對方主辦的張國榮紀念音樂會擔任神秘嘉賓。對於賣身環球,周一(六日),林憶蓮出席環保時裝活動時表示:「系有接觸過唔同公司,環球都有keep住傾緊,遲啲會開記招公佈。」
留港實女兒
多年來長駐臺灣的林憶蓮,最終決定回流返港紮根,原來是爲實正值反叛期的愛女喜兒。「憶蓮好緊張個女,上年喜兒入讀北角半山國際學校,點知入咗去唔夠一年,就聽到個女放學唔肯返屋企,挂住喺街玩。憶蓮嗰段時間做緊巡迴,冇時間睇實個女。渠今次簽約環球,就系想多啲時間陪個女。」
阿Lam慫恿復出
除了單親母親憶蓮外,據知與她同期的天后葉蒨文,亦將會以九百萬簽約東亞賣身兩年。早前她出席《勁歌總選》頒獎禮,便是爲復出造勢。「莎 莉(葉蒨文)除咗鍾意打羽毛球,最近就迷緊跳拉丁舞,唱唔唱歌都冇所謂。不過阿Lam個仔Alex(林德信)啱啱出道,爲咗幫個仔,阿Lam就慫恿莎莉複 出唱歌,到時可以搞個family show。莎莉近年同Alex關係好咗好多,渠都鍾意唱歌,咪諗住出番碟囉!」據知東亞娛樂落實於九月爲她舉行復出演唱會,而東亞發言人梁小姐亦表示: 「莎莉系一個好歌手,我哋一定有興趣。(我哋知渠簽咗俾你哋喎!)總之等公佈先講啦!」
天后比拼
現今樂壇新不如舊,有唱功保證的歌手不多,不少唱片公司向一班退休多時的九十年代天后打主意,重金力邀復出。當中身價、條件最高的是林憶蓮及葉蒨文,二人同屬重量級天后,因此二人在簽約時,均反客爲主向唱片公司開出條件。
林憶蓮
年齡:45歲
唱片公司:環球
身價:$1,500萬
年期:2年
開出條件:唱片製作、路向及班底由她全權話事,就連宣傳亮相次數亦由她決定。
葉蒨文
年齡:50歲
唱片公司:東亞娛樂
身價:$900萬
年期:2年
開出條件:歌曲選擇自主,要揀到稱心滿意才唱,所接的工作亦任她選擇。
天后排隊搶錢
90年代樂壇女歌手百花齊放,但唔少人搵夠淡出樂壇,直至近日,唔少女星相繼宣佈復出。爲賺錢好,爲歌癮好,最緊要都系大家有好歌聽。
關淑怡
一向神化的關淑怡,近日有傳以300萬簽約「星娛樂」,做張智霖、Hotcha等的大師姊。
彭羚
婚後封咪10年的彭羚,專心相夫湊女,今個月將復出爲Wyman的個唱擔任嘉賓試水溫,有傳環球、東亞分別有意把她收歸旗下。

1 comment:

Anonymous said...

Sandy love you new hair cut, you are alway so fashion-forward! and Kim thanks for your work - always edgy and makhttp://www.thisislondon.co.uk/health/article-24033775-the-invisible-haircut-thats-turning-heads.doing it work for Sandy!!