新報 : 林憶蓮簽環球合作做老闆

2012-02-23
屹立香港樂壇廿多年依然廣受一眾歌迷支持愛戴的林憶蓮（Sandy），「自由身」一段時間後，她昨日動筆簽約環球唱片公司！為表示對該位天后級人馬的尊重，除唱片高層黃劍濤親自到場打點一切外，各大電台高層均齊齊現身記者會，足證憶蓮的江湖地位。
記者會上，黃劍濤對於能與憶蓮合作感到雀躍，「憶蓮一直都係我心儀嘅歌手，今次同佢合作係達成咗自己嘅一個心願」！而憶蓮亦為對方套上高帽指自己都是因為同黃劍濤傾得投契而將自己「交予」環球。黃劍濤更「爆出」憶蓮閒時愛在家中以結他作曲，因而特意送上一把結他及價值6位數的專業咪高峰給Sandy。
否認800萬身價簽約
其後問到憶蓮是否如報道所講以800萬身價簽約環球兩年，她就不厭其煩都再一次解釋︰「其實?家我係同環球以一個伙伴嘅形式合作，而唔係大家所講嘅甚麼幾多位數幾多年。我自己就會負責番唱片嘅製作工作，咁發行同推廣營銷就交俾環球！（即係自己都係做老闆？）係，我都係投資去我自己嘅唱片製作！（咁即係無錢收？）其實係賣咗幾多錢就大家分拆咁，我唔算係簽咗個歌手返嚟嗰種！」問到憶蓮是否已有「製成品」可以面世？她笑指兩年內打算錄製兩張國語唱片及一張廣東大碟，而國語碟已經投入錄製工作。
謝安琪解約洽談中
正值謝安琪離巢環球傳聞困擾，問到Sandy的加入是否會加速謝安琪的離開？憶蓮表示從未曾聽過有此傳聞，「真係無聽過，唔會關我事嘅！我覺得加入環球就好似係一個大家庭咁，可以容納到唔同嘅歌手，各自都會有自己嘅風格，完全係無關係嘅。」
另一方面，黃劍濤卻承認正與謝安琪洽談解約事宜，並透露謝安琪會在完成3月頭「紀念哥哥張國榮」的演唱會後，再沒工作安排給她。