2012-02-23
天后林憶蓮昨日盛裝出席加盟環球唱片記者會，大方承認本報獨家披露簽2年合約，並宣布今年暑假推出相隔6年的新專輯。對於加速謝安琪提早離巢，憶蓮笑住口表示與她無關。
林憶蓮昨日以黑白斜膊連身短裙出席記者會，露出左肩，並獲環球唱片董事總經理黃劍濤送上木結他，以及獲高級音響Sennheiser特別度身訂造的6位數字靚咪，並即場舉行簽約儀式。由於憶蓮於06年推出唱片後未有再出新碟，司儀取笑她過去6年都是「Hea」住過，搞到憶蓮急急澄清：「冇Hea。」
只負責音樂
有指憶蓮的加盟，加速謝安琪（Kay）與環球解約，憶蓮表現大方兼笑笑口說：「相信同我完全冇關係，亦冇聽過呢個說法，環球有唔同歌手，各自有自己風格、特質，應該唔受影響。」她承認簽約環球2年，合約列明會推出兩張國語及1張廣東專輯，憶蓮說：「今次簽約唔係大家所講7位數，係我間創作公司同環球合作，我係創作公司老闆，國語碟已經做好，應該暑假推出。」
憶蓮坦言只負責音樂部分，而營銷及推廣則交給環球：「專輯賣幾多大家去分，冇計自己投資幾錢，依家唱片業唔同以前，最緊要做到好質素專輯及有信心產品。」
盼好來好去
至於黃劍濤承認Kay手頭上工作只有下月舉行的悼念張國榮演唱會，問到雙方是否已達共識提前解約？他說：「依家仲傾緊，點都好，大家夾唔到都希望可以和平分手同好來好去。」他透露一直與Kay經理人夏森美接觸：「尊重遊戲規則，不過有同Kay短訊。
No comments:
Post a Comment