2012-02-23
林憶蓮昨日舉行記者會，宣布正式加盟環球唱片，唱片公司高層黃劍濤(Duncan)，送上結他及咪高峰作禮物給憶蓮，寓意她可以創作更多好歌，更於演唱會Part 2上，可以最佳音質宣揚到更遠的地方。對於有傳憶蓮加盟薪酬達800萬元，她即澄清與唱片公司是以拍檔形式合作，自己也是老闆。
有報道指憶蓮這次以800萬元加盟環球，憶蓮解釋，其實是她的製作公司與唱片公司合作，雙方以拍檔形式發行其唱片，對於報道所提及的數字，憶蓮即時澄清，並說：「我都係老闆之一，合作形式係音樂製作上由我負責，推廣、營銷就交由環球處理，呢次簽約唔似一般藝人，係如果唱片賣得多就再分利潤。」憶蓮透露，近年都以此形式合作，自覺這樣對唱片公司較為公平，因為現在唱片的經營方式跟以往不同，這樣自己又可做自己鍾意的事，憶蓮續說：「今次會簽兩年合約，將會推出兩張國語唱片同一張廣東唱片，首張國語唱片己經錄好，估計在暑假會推出，(這次投資了多少錢？)冇真正計過幾多，不過專輯最緊要係好質素，同做自己想做嘅音樂。」
希望謝安琪走得好嚟好去對於外傳因為憶蓮的加入，導致謝安琪加速離開環球，憶蓮則說：「我覺得同自己無關，自己亦都冇聽聞過呢件事，其實環球就好似一個大家庭，當中有唔同風格、特質嘅歌手，我相信我嘅加入，唔會對任何人有影響，而且仲會增加團體精神。」對於謝安琪是否於4月離開環球，Duncan坦言未知道，因正與其經理人商討，問到謝安琪是否去意已決，Duncan說：「我唔可以代表其他人講嘢，依家都仲傾緊，希望盡快解決，就算走都好嚟好去！」
No comments:
Post a Comment