Thursday, September 22, 2011

FACE週刊 : 林憶蓮地獄瘦身


2011-09-21
近年養尊處優嘅林憶蓮,近排終於有新搞作,除咗要忙自資出新碟嘅事外,又要忙本週五一連3場演唱會,真係忙到飯都未必有時間開呀!
上週四(15日)憶蓮為演唱會綵排,FBI發現佢瘦咗唔少,唔只冇咗對麒麟臂,連巨胸都扁埋。FBI八到憶蓮除咗因為個唱迫近,搞到心情緊張,加上有健身訓練例如做高溫瑜伽令自己瘦咗結實咗外,原來憶蓮有個地獄瘦身配方,叫「十日斷食法」,十日之內冇得食嘢,淨係三餐飲一種檸檬精華液就可極速瘦身。為靚,真係要付出。


上年憶蓮出席麥當勞嘅音樂活動時,仍然脹蔔蔔,兼有一雙麒麟臂,但上週四個唱綵排當日就瘦蜢蜢,大家睇吓佢對手臂瘦到咁,真係估唔到佢已經係一個45歲嘅「熟女」!


當日仲有同憶蓮曾傳緋聞嘅恭碩良擔任鼓手,一齊綵排,恭碩良有才華又型仔,我係憶蓮都揀佢,唔會揀同性密友啦。

No comments: