2011-09-22
坊間所謂瘦身方法，戒澱粉食奇異果穴位埋線……電話簿咁厚，邊種方法最work，其實各適其適！上星期四（九月十五日），林憶蓮為嚟緊三場紅館個唱做彩排，貼身背心牛仔褲短boots見人，睇落瘦咗，但又好精神，fit到漏！
二五話憶蓮半年前已經開始keep，join咗個中醫加推拿嘅修身療程。雖然話係中醫，但冇藥食，亦唔係穴位埋線，純粹因應個人體質，寒熱陰虛火燥之類，教你食啲乜唔好食啲乜！除咗夜晚一餐要唔食澱粉質，任你食幾飽都得。八珍八過其他人，原來唔少名人闊太都有幫襯，平均每個月瘦兩磅，唔會操之過急，減十幾磅應該冇甩拖！幾銀？唔貴，兩皮嘢有找。
雖然有指陳玉蓮前度、廣告導演蔡美詩已經將林憶蓮追到手，但二五就話四十五歲憶蓮同恭碩良嘅姊弟戀仲未斷晒！
No comments:
Post a Comment