新報 : 個唱唔靠特技林憶蓮曬唱功

2011-09-16
林憶蓮昨日現身錄音房，為本月在紅館舉行的個唱進行綵排，現場除有音樂人倫永亮擔任琴手外，還有其緋聞男友恭碩良做鼓手。當記者拍照時，恭碩良並無刻意迴避，更向傳媒揮手，夠晒親切。
憶蓮近日積極為個唱進行綵排，昨日她穿上黑色緊身背心及窄腳褲現身，盡現弗爆身材。她自言每日至少排練三至五個小時，加上密密做健身，令肌肉結實了不少。
避談辣身舞
問到她個唱入面有甚麼「花臣」吸引觀眾，憶蓮笑言：「歌迷入場係想聽鍾意聽嘅歌，而我嘅演唱會唔靠特技，只係靠音樂同唱功，不過今次會跳好多唔同類型嘅舞，（會唔會有辣身舞？）辣身舞嘅定義係乜嘢先？跳舞嘅時候身體接觸就一定有，但係咪辣身舞就唔知。（即是會摸到重要部位？）?家興呢啲咩？聽落都唔似跳舞。」
密友嚟捧場
問到女兒會否前來捧場，憶蓮直言要看情形，如果沒記者拍攝就會，但她表示還沒問女兒是否想看。她又指女兒經常被人在學校附近跟縱偷拍，覺得這是不應該和不對的事，不但妨礙女兒，還會影響到她的朋友。憶蓮表示也有跟女兒解釋過，幸好獲學校體諒。至於早前被拍到的「同居密友」，問及對方會否因傳聞而不敢到現場捧場，憶蓮認為： 「對方唔會因為呢件事唔嚟睇演唱會，大家有智慧識去分辨事實。」
雖然憶蓮已澄清對方不是所謂的「同居密友」，但當問到她是否唔會鍾意同性時，她則表示：「無咁樣區分，每個人嘅性取向都要尊重，唔應該戴有色眼鏡。」