東方日報 : 張敬軒破格自摸 借憶蓮催情

2008-08-03
前晚壓軸「拉闊變奏廳」的張敬軒（軒仔）翻唱林憶蓮歌曲，軒仔以超水準歌藝俘虜樂迷，全場氣氛高漲。他更於台上公然叫觀眾挑逗隔籬位，自己則扭蛇腰及自摸助興，事後軒仔坦言：「今日都算破格。」
前晚張敬軒演出「拉闊變奏廳」尾場，得趙碩之、關楚耀、詩雅、小儀等藝人捧場，全場座無虛席，需要即場多
加百幾個座位。軒仔以超水準唱功翻唱林憶蓮作品，他認為她的歌有療傷和催情作用，又鬼馬地向觀眾表示：「依家可以試挑逗隔籬個，不過梗係要識啦。」唱至情緒高漲之際，軒仔扭動「小蠻腰」及自摸大髀。軒仔揚言經常用音樂挑逗人，他表示自摸是「破格」行為，問軒仔為何不摸大髀內側？他回應：「我唔識自摸。（平日無咩？）少人摸多數出『沖』。」軒仔又指自己是故意扮姣，唱《酷愛》時更全場High爆。
舊愛已婚做媽咪
軒仔又大談在酒廊表演時的往事，獻唱《聽說愛情回來過》時，他有所感觸：「每個人心目中都有一位愛過人，
我都有，每次唱呢首歌就會諗起佢。過去唔好講啦，舊年朋友話我知佢已經結婚、做人媽咪。」他又刻意把憶蓮的《你是我的男人》的歌詞由「You are my man」改成「I am your man」，軒仔表示：「純粹改番，咁唱時都有對象。（邊個？）咪觀眾囉，我係可以兜到咁咋。」軒仔透露王菀之遠在印度亦有SMS鼓勵他，令他感到好開心。