2012-03-06
林憶蓮前晚完成一連兩場紅館演唱會，由於反應熱烈，完場後觀眾不停叫encore不願離開，憶蓮兩度encore直至12點才完場。在慶功宴上，心情大靚的憶蓮，表示女兒教彈結他，但一追問其女兒有否前來觀看演唱會時，憶蓮立刻封口。
提到首次表演結他自彈自唱，憶蓮認為首晚演出比較好，希望每一場巡迴演出都可以自彈自唱，令技術更加純熟，問到是否其女兒教授結他技術，憶蓮說：「的確係囡囡教我彈，我自己搵老師學咗半年，依家好鍾意彈結他，後來自己搵到樂譜，囡囡再指導我，(囡囡有沒有來看？)唔再講我囡囡喇！」
Part 2弗個Part 1
開 show前積極做運動的憶蓮，今次比Part 1時的肌肉更結實，線條更好看，但她仍未感滿意，希望一直可以進步下去，她說：「好難比較Part 1同Part 2，第一次好似初生BB般肉緊，第二次就輕鬆得多，而且加插咗新環節，感覺好唔一樣。」憶蓮指，身上的紋身是希臘文，分別代表祝福、信念等。
陳奕迅主動邀請合作
憶蓮表示，知道與緋聞男友恭碩良合唱的《下雨天》大受歡迎，在網上的點擊率非常之高，她指不排除再合作推出新歌，憶蓮說：「新版《下雨天》編曲好大張力，我很喜歡呢個版本，其實搵唔同歌手合作會有唔同嘅化學作用，第一晚遇到Eason(陳奕迅)，佢表示希望大家合作一首歌，我好歡迎合作。」憶蓮透露完成演出後，她將會展開一連串的巡迴演唱會，計劃8月推出全新專輯，但暫不會考慮再開Part 3。
No comments:
Post a Comment