2012-06-21
樂手恭碩良與林憶蓮的姐弟戀鬧得熱烘烘，昨日憶蓮在台灣受訪時更坦言年齡不是最大問題，另邊廂，恭碩良昨在港出席活動時，雖多次扮聽不懂中文試圖迴避有關問題，惟經追問下，終忍不住隔空和應女方，表示自己同樣不介意年齡！
林憶蓮昨日在台灣接受訪問時表示談戀愛時，年齡不是問題，而恭碩良昨在港出席Richard Mille手錶專門店開幕酒會時，就被問到此事，他聽罷即作狀轉身離開，之後又扮聽不懂中文迴避有關問題，忸怩一輪才企定定表示：「其實我唔介意年齡，最緊要夾同開心，你（記者）幾多歲呀？你廿幾歲講嘢可以似三十幾歲，三十幾歲講嘢都可以好小朋友。（即係你智商高，憶蓮智商低？）呢行好多人講嘢不經大腦，我經理人講嘢都唔符合年齡o架，溝通得好就得。（你同憶蓮溝通得好？）同個個都溝通得好。」
曖昧感覺最甜蜜
至於憶蓮在訪問中又透露戀愛對她很重要，但曖昧反而最甜蜜，現時亦偶爾有曖昧感覺，當問到他對此有何看法時，恭碩良即再次「外國人」上身，表示自己中文不好，不明白「曖昧」何解，但又不忘大讚憶蓮：「佢係好sweet嘅女仔。」自稱不懂曖昧是甚麼意思的他又曖昧補上一句：「憶蓮好錫我……哋。」大玩文字遊戲！之後經再三解釋何謂「曖昧」，他才說：「男女朋友都係由朋友開始，同埋結婚對我唔重要，結婚只係湊小朋友嘅合約，有小朋友就仲大壓力，養狗好啲，不過有愛情都有幫助，工作完返到去有人陪睇戲飲湯，好開心。（同憶蓮關係點？）私生活唔想講太多，總之依家好開心。」
No comments:
Post a Comment