Monday, February 13, 2012

蘋果日報 : 克勤倒戈now台急tum無綫


2012-02-13
一眾歌星包括李克勤、林憶蓮、關淑怡、蘇永康和張敬軒等前晚出席now芒果台音樂會。身為無綫契仔的克勤早前才破冰重回無綫,但現在又食兩家茶禮亮相now,他即賣口乖表明視無綫如母校一樣,感情深厚,地位無可代替。
李克勤前晚和其他歌星包括林憶蓮、關淑怡(Shirley)和蘇永康等,在機場博覽館演出now芒果台音樂會,一行人反無綫倒戈相向支持now,其中以無綫契仔克勤身份最為敏感,屬五大之一環球旗下的他才剛剛破冰重返無綫,但現在又力撐now,擺明食兩家茶禮,他即說:「我冇同任何一間電視台有歌手合約,只係同now簽咗為歐洲國家盃講波,所以其他電視台搵我都OK。」
「TVB似母校」
不過記者笑言只有克勤有特權可兩邊隨意亮相,他聞言即向無綫賣口乖說:「其實TVB喺我心目中重要性就好似母校,呢樣係唔會改變,感情同合作咗咁耐,我喺TVB都攞咗20年老人牌,母校嘅感覺永遠都存在。家我就好似喺母校讀完書,去唔同地方攞經驗同賺錢,如果TVB搵我做嘢,我會義無反顧同義不容辭。」無綫有否邀克勤簽約?他表示感情重要過合約,總之現在這個合作方式最適合自己。
壓軸出場的憶蓮反應最熱烈,有傳她以1,500萬加盟環球,她聞言笑說:「以我呢種以自己製作公司形式,再交畀唱片公司發行,係冇可能有咁嘅價錢,大家攞走六個零先。」是否會跟環球合作?憶蓮表示遲些才有公佈,但坦言自己製作唱片再交給唱片公司發行這個做法很適合自己,因她可控制唱片質素。
關淑怡搶手
Shirley也被傳以300萬簽約兩年,指斟洽她合作的有金牌大風和星娛樂,Shirley說:「係有幾間傾緊,外界成日話我要求條件多多,其實最緊要係互相配合。」不過300萬兩年似乎把Shirley身價拉低,她表示只是傳言,最重要是誠意,Shirley表示合約全交由梅艷芳生前經理人Marianne代為負責。

No comments: