Monday, February 13, 2012

太陽報 : 關淑怡凸腩憶蓮「底」抗後輩


2012-02-13
斟唱片公司密謀再出碟的關淑怡,雖盛傳加盟星娛樂的計劃告吹,但為證明自己唱得又睇得,前晚穿低胸露腰裝演唱。林憶蓮亦穿短裙露底,以行動證明雖屆中女之年,但仍然夠料、夠薑性感得起!
關淑怡(Shirley)為鋪路出碟,近期動作多多,繼早前跟麥浚龍(Juno)合唱後,前晚又擔任《now芒果群星come芒音樂會》嘉賓,跟李克勤、謝安琪、林憶蓮(Sandy)、張敬軒、周柏豪、連詩雅及台灣歌手許慧欣等演出。Shirley和Sandy雖年屆45歲,但比一眾後生女更搏,前者穿露胸又露腰的小背心,後者則着超短裙騷腿見「底」!
暗示非麻煩歌手
Shirley 獻唱時不慎凸腩,但歌迷仍然受落。她表示正跟多間唱片公司傾合約,對於有傳以300萬元簽約2年?她說:「只係傳啫!傳聞。」她又承認曾跟星娛樂接洽,即使跟她接觸的高層離職,依然有合作機會。問到簽金牌大風的機會是否大增?她沒正面回答,只稱跟金牌大風高層是熟朋友,其合約花落誰家全由經理人去傾:「我唔會干涉唱片公司。」暗示並非「麻煩歌手」!同時Shirley亦沒想過因與Juno合唱而加盟對方的唱片公司。
至於壓軸演出的Sandy,否認以1,500萬元簽環球2年:「拎走6個0啦!呢個價錢冇可能,唱片公司唔會咁簽歌手。」又指會製作唱片再交由唱片公司發行。Sandy還大方表示知道緋聞男友恭碩良涉嫌襲擊案,並已致電問候。
而克勤被問到Sandy以天價加盟?他說:「1,500萬咁少,應係3,000萬,環球好旺阿爸、阿媽級歌手。」

No comments: