太陽報 : 張敬軒DVD超支遭照肺

2008-10-10
張敬軒《拉闊變奏廳》VCD及DVD今日推出，碟中收錄翻唱偶像林憶蓮的經典歌曲，軒仔為求最佳效果，游說唱片公司重金打造，除花費數十萬購買歌曲版權外，又指定以高清錄影器材錄製，由於埋單數目超出預算，結果引起唱片公司不滿，最終更被「照肺」！　
軒仔說：「唱片公司高層鬧我，話做自己張新碟都未咁緊張同多要求，高層話如果張碟賣唔夠數，要我啃番晒，因為歌曲版權全部以美元計。（要賣幾多先封到蝕本門？）要賣成萬五張先夠平成本價，惟有努力啲做宣傳囉！」這張碟由揀歌、Rundown及度台詞等，都由軒仔一手包辦，故他對這張碟特別有期望，唯一令他感美中不足的是，未能取得《微涼》及《灰色》兩首歌的版權。