林憶蓮同恭碩良拍咗5年拖，講明唔結婚，睇嚟感情都幾穩定，不過有傳憶蓮個女喜兒唔多鍾意阿媽呢個男友，所以好多時都唔會三人同場出現。
阿女放假返咗嚟香港，呢日Sandy同阿女一齊放狗，佢兩個坐埋一邊吹水，睇嚟同阿女有好多少女心事要傾，由得啲狗自己玩，但係見到憶蓮個樣全程都悶悶不樂，同之前有恭碩良喺身邊，笑到含晒春個樣有好大分別囉。
玩到咁上下，工人姐姐帶返啲狗返嚟，愛犬Dizzy好乖，即刻返憶蓮身邊求摸摸。
以為完啦，點知兩母真係講極都講唔完，轉場再吹過水。今次一路行一路講，不過憶蓮全程插住耳筒講，唔知聽唔聽到佢個女講咩呢？
No comments:
Post a Comment