2012-09-29
【巴黎直擊】徐濠縈的愛女康堤下月8歲生日，赴法入貨的阿徐謂要趕回港替女兒慶祝，正懷第二胎的大劉女友甘比和康堤同日生日，更會幫手搞生日會。阿徐指愛女鍾意鬆弛熊，甘比就最冧企鵝Pingu，到時孖妹生日會，豈非要鬆弛熊PK企鵝Pingu？
林憶蓮、吳佩慈和徐濠縈昨日凌晨在法國出席巴黎時裝周活動。徐濠縈一身藍裙去睇Carven時裝騷，她謂此行主要為時裝店入貨，稍後要趕返香港，她說：「因為個女包包（陳康堤）八歲生日，所以趕住走，要幫佢搞生日會，呢幾日唔喺香港，Eason（陳奕迅）負責喺屋企跟吓啲booking，跟吓進度囉。」
徐濠縈透露甘比也有份搞生日會，她說：「其實係一齊慶祝，因為甘比同包包係同一日生日，係10月8號，佢又識得啲搞生日會佈置同吹氣球嗰類booking，所以幫手搞。」甘比懷上第二胎，預產期為年底11至12月，腹大便便慶祝生日，其實甘比和徐濠縈一向感情好，徐濠縈時裝店活動，甘比也會破例出席捧場，徐濠縈說：「個女鍾意鬆弛熊，應該都係用呢類主題，我爭咗佢呢個生日會兩三年。」甘比出名鍾意企鵝Pingu，到時豈非要鬆弛熊和Pingu對決？她謂不會特別送禮物。
憶蓮怕醜
林憶蓮則一身花裙出席Balmain時裝騷，不過少睇騷的她似乎有點害羞，全程沒和身邊人傾偈，只顧玩手機，也不願受訪。
另一邊出席Lanvin騷的吳佩慈就風騷得多，她表示現在沒拍拖，會否考慮浪漫的法國男士，她笑說：「我唔知喎，我未試過食西餐！」
No comments:
Post a Comment