Friday, April 6, 2012

蘋果日報 : 開騷賀80大壽胡楓險墮台觀眾救一命


2012-04-05
為慶祝今年80大壽,胡楓(修哥)前晚在紅館舉行演唱會,契仔契女黎明、林憶蓮和好友林子祥(阿Lam)及葉蒨文等現身任嘉賓,中途修哥顧住說話險些重演阿Lam當年跌落台的驚險場面,幸好台下觀眾及時喝止才化險為夷。
胡楓前晚在紅館舉行一場「楓修80巨星演唱會」,陳百祥買了百多張飛請《歡樂今宵》台前幕後如鄧英敏、曾華倩、江欣燕和余慕蓮等捧修哥場。而修哥眾契仔契女和好友亦任嘉賓,打頭陣有斑斑和森森,原來斑斑才是修哥契女。接着上台的張家輝稱,以往修哥主演的粵語片中不少角色都叫張家輝,修哥聞言笑說:「因為個名普通囉。」家輝又指外母也想看修哥的騷,修哥即說:「你外母咪即係我外母,因為你同我老婆都係叫詠荷。」
之後舞台的升降台降到台底準備升林憶蓮上台,台上的修哥顧着吹水,不自覺行到升降台的巨窿旁,觀眾擔心大叫,修哥即停步並說:「真係吉人天相。」憶蓮之後才升上來跟契爺合唱《夜來香》。
黎明帶病上陣
林子祥接着行樓梯上台,他見修哥即說:「喺下面望住你,差啲學我咁。」修哥笑言:「唔敢學你,你真係跌,我唔掂o架。我慣咗講嘢行嚟行去,好彩觀眾喝住我。」之後修哥的第二外孫女跟阿Lam合唱,大孫女及孫仔則唱《世上只有》送給修哥。
修哥繼而唱出契仔契女包括黎明、張學友、劉美君和憶蓮的歌,唱畢黎明就現身與修哥合唱《那有一天不想你》,修哥讚黎明雖抱恙,但仍堅持上台,之後黎明再獨唱《今夜你會不會來》。
隔空再會肥姐
演唱會尾段播出已過身的沈殿霞的《一於繼續笑》MV,讓修哥和肥姐隔空合唱一圓心願。葉蒨文則壓軸出場跟修哥合唱《紅塵》。最後修哥請EYT好友上台,但因鄧英敏說話太長氣令個唱超時。慶功宴上談到險些跌落窿,修哥說幸好有觀眾叫住他,問是否因不夠時間綵排?修哥否認,但避過意外的他表示自己吉人天相。

No comments: