太陽報 : 憶蓮新加坡開騷染金毛

2008-10-23

林憶蓮日前在新加坡舉行巡迴演唱會，全場爆滿，憶蓮仲特別染了一頭金髮，在台上勁歌熱舞，睇到觀眾熱血沸騰，憶蓮話：「呢個頭又漂又染，足足搞了四個鐘，我好鍾意試新東西，希望帶新感覺畀大家睇，好滿意呢個新形象，一個靚髮型對女性好重要，仲緊要過食飯！」佢仲話為了保持至Fit身形，到新加坡都跑步練氣。
當晚氣氛好高漲，當憶蓮唱到前夫李宗盛為佢寫的《當愛已成往事》同《至少還有你》，全場觀眾一齊大合唱，佢即時忍唔住感動落淚。下個月佢將會飛去台灣，繼續兩場巡迴演出。