蘋果日報 : 憶蓮姊弟戀唔恨結婚

2012-08-20
現年46歲嘅林憶蓮前晚完成台北小巨蛋嘅演唱會，至於俾影到並指同憶蓮同居嘅恭碩良，兩人不避嫌喺台上深情對唱，有理冇理總之就好甜蜜。喺慶功宴上，台灣記者亦有向憶蓮追問係咪同恭碩良已經發展到同居？憶蓮話：「這些都是我的私人生活。」咁究竟係乜嘢關係，會唔會再婚？憶蓮重申：「兩人交往不一定要結婚，你們覺得怎麼樣就怎麼樣。」前日係恭碩良35歲生日，憶蓮話已經同工作人員夾份送咗蛋糕畀壽星仔。