頭條日報 : 林憶蓮恭碩良傳分手 倫永亮澄清：佢哋好開心

2013-06-14
47歲天后林憶蓮前年跟35歲音樂人恭碩良（Jun）譜出姊弟戀，愛得癡纏，惟日前有報道指憶蓮難忍男友花心偷食及沾惡習鬧分手。向來低調的林憶蓮罕有在facebook發聲，發表愛的宣言捍衞戀情。作為林憶蓮全球巡迴演唱音樂總監倫永亮（Anthony）代憶蓮否定傳聞，更指：「我見佢哋一齊時好開心，有拖拍嘅憶蓮成個人都輕鬆晒。」採訪：方騫平場地提供：九龍香格里拉酒店Coffee Shop 講起林憶蓮，自然聯想到跟他合作無間的倫永亮，憶蓮全球巡演，Anthony陪到實，比她的男朋友恭碩良還要多，5月份便登陸廣州、上海、天津、濟南等一帶。
開個唱賺退休金
他爆料道：「憶蓮拍拖後好開心，好Sweet，仲笑得好開懷！如果感情有問題，憶蓮心情都唔會咁好啦。好似果次美國演唱，佢趁我唱緊歌就喺後台做伸展動作，點知臨出場前黑褲突然爆軚，佢臨時用一個黑色膠袋塞入褲袋遮住缺口，憶蓮完全冇發脾氣。」Anthony眼中的憶蓮好犀利：「我好佩服呢個女人，佢唱歌技巧不斷進步，去到出神入化。（咁你咪賺好多？）唔係，憶蓮就可以退休，我冇賺夠一千萬，唔夠在港過退休生活。平日我好慳家，計埋傭人支出月花一萬，最貴嗰餐飯都係同仙姐(白雪仙)食。」因此，他仍然有拼勁，並於今年8月31日至9月1日假伊利莎伯體育館舉行兩場個人演唱會，用10指琴sing會知音。