2012-12-09
香港國際賽事派對昨天在香港洲際酒店舉行，獲邀請之賓客包括香港國際賽事參賽馬匹的馬主、騎師、練馬師及馬會幹事等，現場衣香鬢影。派對除了由精采的舞蹈表演揭開序幕之外，更邀來著名歌手林憶蓮為來賓演唱多首經典名曲，將派對的氣氛推至高峰，令各賓客均可在大賽前夕紓緩緊張的心情。
東方日報 : 城城再做馬主墮愛河
2012-12-09
郭富城愛駒「愛的呼喚」今日出賽，將與曾志偉愛駒鬥一番，城城揚言落場無父子，希望愛駒能跑出。另外，城城近期與張智霖及朋友抽籤成功再做馬主，第二隻愛駒暫改名「愛河」，而汪詩詩亦有抽籤，卻落空未能圓馬主夢。
郭富城希望愛駒能夠勝出。
郭富城前晚以優雅形象大使身份，出席「浪琴表香港國際賽事」歡迎晚宴，同場還有汪詩詩、汪圓圓及表妹湛琪清、周汶錡、李桂蘭、陳君宜等。另外，憑《齊瓦哥醫生》獲金球獎最佳男主角的老牌影星奧馬沙里夫亦有出席，其愛駒「唐鮑思高」亦有份參加今次國際賽事，他為此專程來港，而林憶蓮則擔任表演嘉賓，即場獻唱，掀起高潮。
同志偉愛駒鬥跑
城城被問到「愛的呼喚」明日出賽，有否信心？他說：「希望佢跑得好，比賽要睇好多因素，天氣、排位、狀態，不過佢今次排得幾好。（同場仲有曾志偉隻馬？）唔止，仲有其他好朋友，我相信每個人都希望自己嘅馬贏，正所謂落場無父子。」至於會否再養多隻馬，他即開心透露剛與張智霖及兩位朋友幸運被抽中，他說：「隻馬暫時叫『愛河』，啲人成日話我係鑽石王老五，而我啲朋友係鑽石王老五中嘅王老五，所以覺得個名好靚，幾好聽，做馬主真係好開心。」城城又謂接了一套內地賀歲片，女主角是內地紅星徐靜蕾，將到北京拍攝，他說：「第一次拍內地賀歲片，都係一個新挑戰，套戲有四個單元，我哋係其中一個，會拍一星期，之後去美國開騷，聖誕會喺嗰邊過。」被問會否想與女友熊黛林合作？他即避忌說：「問正經嘢先。（呢啲都係工作？）有先算。」
周汶錡生仔迷信
同場汪詩詩被問到會否想當馬主？她即表示有與朋友入紙抽籤：「抽唔到，都好有興趣做馬主，想玩吓，會再接再勵。（做馬主好忙，老公甄子丹冇時間理？）佢唔會理，到時我仲忙。」詩詩又謂聖誕將舉家去韓國滑雪，而老公因忙拍戲未能陪同。同場周汶錡恭喜Lisa S.懷孕，至於她有否好消息？「未，但都有壓力，我啲女朋友依家話留返啲BB衫畀我，老公都好鍾意小朋友。（不設防？）唔好成日話想，想就未必有，要話『唔想』，我都有啲少少迷信。」
頭條日報 : 拖男友抵港 「肥溫」今入馬場
2012-12-09
國際影星、「肥溫」琦溫絲莉昨日下午與男友Ned Rocknroll十指緊扣，抵港現身機場。當她出閘時，現場記者蜂擁而上採訪，場面有點混亂，但「肥溫」處變不驚，不慌不亂地與男友步至停車場登車，直赴下榻的酒店。她將於今早到銅鑼灣出席品牌旗艦店開幕活動，其後會到沙田馬場出席公開活動。
該賽事前晚則舉行晚宴，郭富城和林憶蓮等均有出席，城城的愛駒「愛的呼喚」將於今日出賽，同場次還有曾志偉的愛駒。城城坦言希望愛駒勝出，他說：「落場無父子，何況係朋友，我隻馬排第七檔，作為『爸爸』會在場打氣。」
城城望跟「肥溫」合照
問他愛駒的「媽媽」（指其女友熊黛林）呢？城城卻說：「媽媽（愛駒的媽媽）在澳洲！」他又再次表示，若今日能拉頭馬的話，希望可以跟「肥溫」合照。
蘋果日報 : 國際賽Party：應家柏撐港隊
2012-12-09
今年國際賽，換咗新贊助商浪琴表，前晚舉行國際賽派對，浪琴表代言人郭富城當然有份出席，亦見到恆生銀行前一姐，「神童」馬主梁高美懿及其丈夫梁承達，還有「紅色禮物」馬主夏佳理。而大會亦請咗歌手林憶蓮演唱多首經典名曲，仲有 Model跳騎馬舞，將場內氣氛推至高峰。
「天久」及「加州萬里」分別是上屆香港短途錦標及香港盃盟主，今日有好多粉絲入場替兩駒打氣，前晚告東尼及蔡明紹兩師徒都有到場玩番晚輕鬆吓。
另外，馬會 CEO應家柏睇好港隊今年可再揚威國際賽，贏面最大是香港一哩錦標將嘅「精彩日子」。
No comments:
Post a Comment