歌手林憶蓮（Sandy）為三月的紅館演唱會舉行記者會，從煙霧中現身的她表示個唱名稱「PRANAVA」是梵文，意思是神聖的聲音，而這次個唱的主題是「造樂者」：「我好鍾意音樂，音樂可以帶畀大家快樂，所以造樂者。」雖然事隔四年再踏上紅館，但Sandy坦言不經不覺已經過了四年：「每次演唱會我嘅印象都好深，留喺我嘅system入面好耐，我仍然記得上一次演唱會同大家好開心咁唱歌，中間又不停咁工作，所以唔覺得隔咗咁耐，但都非常期待。」又謂這次會與全新班底合作。
演唱會與台灣團隊合作
台灣製作人陳鎮川及與sandy合作無間的倫永亮（Anthony）亦有現身撐場，當主持形容Anthony為「吉祥物」時，Sandy說：「唔可以想像我嘅演唱會冇咗佢！」而陳鎮川這次擔任Sandy個唱的製作人，他表示與對方認識已久，但直至兩年前的「project WAO」才與Sandy有較深入接觸：「那時候發現我們滿合得來，有很多合作的可能性。」Sandy亦說：「我哋有種默契，佢好明白我，除咗今次演唱會合作之外，佢仲處理埋我嘅經紀事務。」又指這次與台灣團隊合作，帶來很多新衝擊。
當主持問至擔任音樂總監的Anthony是否為了Sandy可以兩個月唔瞓，Anthony卻未能聽清楚，以為是「兩個人瞓」，惹來全場大笑！之後Anthony表示對Sandy這位小妹妹五體投地：「一個歌手出咗咁多隻碟，佢仍然每次都帶畀大家驚喜，係好難得，值得所有後輩歌手學習！」
主辦之一的黃柏高（Paco）亦有出席記者會，被問到如何游說Sandy開騷？Sandy即搶答說：「唔需要游說！」又指Paco是自己非常尊敬的人，可以與對方再次合作非常開心。而Paco笑言看到Sandy的吉祥物Anthony與自己的服裝打扮相似，所以自己亦應該是Sandy的吉祥物。他能特意準備了一個水晶法螺給Sandy，喻意Sandy的聲音晶瑩剔透，是來自大自然的聲音，更有祝福的意思。Sandy同時亦獲贊助商送贈一盆不用淋水、自給自足的植物，像Sandy的聲音一樣可以保護和治療地球。
東網 : 林憶蓮開騷玩創新 性感重任交倫永亮？
2016-01-14
歌手林憶蓮（Sandy）為三月的紅館演唱會舉行記者會，問到個唱可會加場？她說：「我梗係想加場！」男友恭碩良屆時可會出現？她說：「梗係有，點會冇。（好似上次演唱會咁合唱？）um...合唱歌好難諗㗎，上次嗰個咁經典。」Sandy表示正同時籌備廣東及國語兩張唱片，預告大家將會在個唱中聽到最少一首新歌。
提到她在內地節目《中國之聲》擔任推薦導師，Sandy表示是一個特別的體驗：「我自己學咗好多嘢，我要多謝我推薦嘅一啲歌手好努力，好似安仔（許志安），同佢哋合作喚醒我做音樂嘅熱誠。（請佢哋嚟做嘉賓？）佢哋得閒都希望佢哋出現。」她又指在這個比賽中，發掘了很多一流樂手：「有啲特殊嘅樂器，例如蒙古嘅馬頭琴」
服裝方面，Sandy表示將延續上次個唱環保主題。當主持笑言性感留給音樂總監倫永亮，Sandy笑說：「冇錯，佢會有全新嘅性感形象！」最後，Sandy呼籲觀眾要抱着開懷的心情入場：「我哋今次有新嘅組合、新嘅構思，所以大家可以用一個open-minded嘅態度去接受。」
東網 : 林憶蓮古惑的高衩裙 點郁都唔走光
2016-01-14
歌手林憶蓮（Sandy）為三月的紅館演唱會舉行記者會，向來予人感覺有品味嘅佢，今日以一身黑白LOOK現身活動，就咁睇好似好簡潔高貴咁，其實內含玄機，原來條黑色長裙嘅衩好高，所以憶蓮坐低時，白滑嘅大髀可以話係一覽無遺，不過令人值得佩服嘅係，憶蓮無論幾大動作，個衩開到幾咁高，佢都一樣零走光，薑，果然係老嘅辣！
No comments:
Post a Comment