蘋果即時 : 軒仔重新演繹唱天后歌曲 黃耀明感羨慕

2015-06-16 14:53
張敬軒、達明一派和草蜢噚日齊為潘源良嘅作品展綵排，達明一派將會演繹《你還愛我嗎？》、《今天應該很高興》及《十個救火的少年》等多首經典作品，明哥直言羨慕軒仔能唱別人的歌，仲要係女歌手歌曲，軒仔笑說：「除咗唱潘sir寫畀我嘅《餘震》及《相對論》，我仲會唱兩位天后嘅作品，林憶蓮嘅《赤裸的秘密》及王菲嘅《愛與痛的邊緣》。其實《赤裸的秘密》好耐之前開騷唱過，但今次由倫永亮做音樂總監，同埋喺原創者潘源良面前唱，感覺好緊張和興奮。」
至於草蜢，除咗唱潘sir為佢哋寫嘅作品外，蔡一傑仲會獨唱一首原唱者與草蜢有特別關係嘅歌，但佢大賣關子，未有透露歌名，要保持神秘感。