東網 :【你還愛我嗎？】潘源良於作品展公開示愛
06月20日(六) 03:46
填詞人潘源良在紅館舉行演唱會，好友音樂人倫永亮在台上自彈自唱《憑著愛》，又帶領全場大合唱，當倫永亮想讓潘Sir欣賞時，才發現潘Sir因「急事」離開了坐位，他竟搞笑詐型：「我特登等全場1萬2千人一齊合唱，你行開咗，我本身仲準備咗語重深長嘅說話。」接着他又再次帶全場唱多一次，作為送給潘Sir的禮物。
接着，倫永亮又與張敬軒合唱《總有你鼓勵》，軒仔表示：「由入行開始，一直都好想有一首潘Sir寫嘅歌，可能因為我哋依代人係聽住佢嘅歌大，潘Sir除咗係藝術家，係體育領域都係好犀利。」軒仔唱完《餘震》和《相對論》後，又問到潘Sir多年來怎樣看自己，潘Sir直言：「我又何嘗唔係一直睇住軒仔冒起，好想同佢合作。」
而兩位天后級歌手關淑怡和林憶蓮亦先後登台獻唱。接着達明一派唱出《你還愛我嗎？》和《大亞灣之戀》，黃耀明笑問潘Sir到底最愛是誰，是不是達明一派？兩人又講到：「1985年，潘sir為我哋寫咗第一首主打歌，好多人覺得潘Sir嘅感覺係情場浪子，但佢留畀我哋嘅唔係依啲，而係一啲比較社會性嘅歌。」
完場時，潘Sir上台致謝，講到作品展名叫「最愛是誰」，潘Sir表示：「答案喺場內。」射燈即識做地射向女友李麗珍，不過潘Sir就話：「最愛係在場每一位，多年來嘅支持同埋鼓勵，緣分係分成兩半，一半喺我到，一半喺大家到。」潘Sir又話自己雖然是吉祥物，不會無條件唱歌，但他說：「啱啱我坐喺到諗到一個條件就係大家掌聲大過我嘅歌聲。」全場熱烈鼓掌後，潘sir與達明一派唱出最後一首歌《十個救火的少年》。
蘋果 : 【潘源良作品展】30年喇！林憶蓮懷念處女獻聲
噚晚潘源良作品展首場，關淑怡都有獻唱，更特別感謝潘源良:「我入行嗰陣，因為有兩首歌係潘源良填詞，而令人認識我。」該兩首歌就是《夜迷宮》及《叛逆漢子》，噚晚關淑怡都有獻唱，潘源良就話:「知道你今日唔舒服都嚟，多謝你。」
之後輪到同屬靚聲歌手嘅林憶蓮出場，當年憶蓮出道作《愛情I don't know》亦是出自潘源良手筆，憶蓮話:「到依家已經成三十年喇，多謝潘Sir！多謝你填咗咁多好嘅詞，你寫得咁好，表達到歌手嘅心態，將我哋歌手內心嘅心態都傳達晒俾大家。」
壓軸係達明一派，明哥黃耀明甫出場就問潘源良:「潘sir，你最愛是誰？係咪達明一派？」潘源良就話:「達明一派係最愛。」明哥又笑言:「大家覺得潘sir係一個情聖，浪子，佢寫咗好多關於感情嘅歌，其實佢另一面都寫咗好多其他嘢俾我哋，包括一啲關於社會嘅歌，包括呢首…好似一啲糖衣咁，亦都可以係毒藥。」呢首歌，就係《今天應該很高興》。
No comments:
Post a Comment