11月17日 14:44
拉闊音樂會《追憶林振強》噚晚喺亞博舉行，張學友、林憶蓮、劉美君同林子祥，深情演繹故友作品，而陳慧嫻就擔任特別嘉賓，觀眾留心欣賞，有觀眾感動到眼濕濕，場面感人。
林憶蓮同倫永亮演繹《不再問究竟》、《依然》、《哭》等經典金曲，憶蓮話：「今晚好多謝大家嚟，我同倫永亮唱好多鍾意佢嘅歌，我對佢嘅傾慕、尊敬同愛係好深遠，佢好可愛幽默，又係一個好感情化嘅人，好多歌描寫動人故事。」
倫永亮就話20幾年前自己未入行，有次揸車出市區喺收音機聽到首歌不停喊，就係林振強寫畀陳潔靈唱嘅《當天那真我》，而憶蓮又話：「多謝林振強先生，你喺香港樂壇立下好多豐功偉績，永遠係好重要香港樂壇創作人。」倫永亮仲叫觀眾一齊為林振強歡呼一聲，場面感人。
東方即時 : 一眾歌手林憶蓮、陳慧嫻、劉美君及張學友等出席填詞人林振強紀念演唱音，劉美君大讚林振強曾經鼓勵她很多：「因為我以前做過好多爭議性嘅嘢，佢會鼓勵我唔駛理人點睇，唔應該行人哋條路。」美君又自爆就快做嫲嫲，二月為預產期，又話未幫孫仔改名。
而憶蓮在同上獻唱時，就由男友恭碩良擔任鼓手，二人勁合拍地表演多首金典，身穿黑色Deep V長裙的憶蓮又突然拆下夕套，大騷靚膊，風騷獻唱。
擔任壓軸的張學友就話從林振強的詞中，可發現他是富有童真的填詞人，又話：「雖然好誇，但冇林振強，就冇張學友！」
No comments:
Post a Comment