湖南衛視嘅《歌手2017》，經常都會見到「林憶蓮向師傳杜麗莎挑機」呢啲字眼，不過好可能喺聽日嗰集之後，就唔會再有喇，之前已有傳聽晚嗰集，即第四期，杜麗莎會出局。
唔係嘛？杜麗莎都會出局？但亦有傳，杜麗莎係因為覺得錄影太辛苦，所以先退出，而唔係被淘汰。咁即係點？《蘋果》就問到杜麗莎經理人公司有關出局傳聞，對方回覆稱：「因為我哋大家都好尊重大會要求賽果保密嘅規定，所以不便透露；另外太辛苦嘅傳聞純屬謠傳，杜麗莎老師由頭到尾都好享受成個過程。」未有否認。
其實上周六播出嗰集，杜麗莎選唱《Vincent》令人動容，歌迷紛紛留言謂「so beautiful」，萬萬沒想到竟然排第7(林憶蓮係排第6)。有網民感謂:「這一堆所謂評審實在令人吃驚，把最正的performance 變成尾二，太諷刺好音樂，奇恥大辱的評分， no eyes see。」所以，實在毋須太認真。也有人說:「杜麗莎的《Vincent》好聽到乳頭都要起雞皮疙瘩。梵高會自殺，或許就是知道世上有太多現場評審。」中肯。
之前官方公佈側田踢館，有指杜麗莎出局之後，側田就會出場，唱廣東歌《命硬》。以廣東歌出戰咁勇敢？
咁第一次出現喺《歌手》嘅側田會攞第幾呢？今日有網民就將聽日出街嗰集嘅賽果早洩！(即係杜麗莎出局嗰集)
排名如下：
(想睇拉落去)
第1名.獅子合唱團《你是我最深愛的人》
2.林憶蓮《我最親愛的》
3.迪瑪希《秋意濃》
4.杜麗莎《真的愛你》
5.張杰《Better Man》
6.譚晶《定風波》
7.趙雷《理想》
袁婭維《Golden》(返場表演)
下輪逆戰歌手：林志炫
下輪挑戰歌手：側田
就連本月18號嗰場嘅賽果（本月9號已錄影），今日都有網民洩埋：
第1名.譚晶《賽里木的月光》
2.林憶蓮《克卜勤》
3.張杰《默》
4.側田《命硬》、林志炫《你永遠不知道》
6.迪瑪希《Uptown Funk》
7.獅子合唱團《It's my life》
8.趙雷《月亮粑粑》
側田又係三甲不入！
No comments:
Post a Comment