星島日報 : 恭碩良讚女友林憶蓮係「傳奇」

2019-06-30
恭碩良早前到電台宣傳其演唱會，談到拍拖多年的女友林憶蓮，他即搞笑扮鼻鼾聲，又以「傳奇」形容憶蓮說：「有歌手跟住就有Legend，香港製作咗好多Legend，好似Beyond、許冠傑、顧嘉煇，坦白講依家唔會再有，依家只有好好嘅歌手。」
憶蓮早年為《歌手2017》擔任導師遭抨擊，恭碩良坦言未聽聞過，又說：「你話負面就係負面咩？香港就係鍾意先貶，個個都有屁股㗎啦，但唔係個個都要去聞。」有指憶蓮去年底推出國語碟後計畫引退，恭碩良直指是傳聞：「鍾意做音樂的人一定會繼續做。」
東方日報：讚林憶蓮係傳奇！恭碩良拍拖多年有咩改變？
2019-06-29
歌手恭碩良（Jun）將於8月假麥花臣舉行演唱會，日前他接受電台訪問時，被問到今次是他入行20年的紀念騷，他就講：「我14歲入行，第一個騷就做夏韶聲喺伊館舉行演唱會，我自己喺九展、伊館同紅館都開過騷㗎，不過紅館嗰個係同四位大俠（黃貫中、夏韶聲、單立文、鄧建明）一齊開，而今次我想將音樂原汁原味加Live Show咁呈現出嚟。」
談及其拍拖多年的女友林憶蓮時，Jun表現得嫌悶，還搞笑地扮「扯鼻鼾聲」，問到女友對他有何改變？他簡而精說：「我唱歌叻咗。」至於問到未認識憶蓮前，覺得她如何？他表現得有點抗拒說：「不如我問你（主持人），你覺得佢應該點樣繼續行呢？咁多人問我個意見，其實冇人想知我意見。」他又覺得憶蓮不是歌手而是傳奇人物：「有歌手跟住就有Legend，香港製作咗好多Legend，好似Beyond、許冠傑、顧嘉煇，坦白講依家唔會再有，依家只有好好嘅歌手。（點解呢？）因為呢個係社會氣候，以前啲Legend唔會浮上面，唔會畀太多資訊同聯絡你，但依家就平民化啲。」
「香港就係鍾意先貶」
講到憶蓮參加內地歌唱節目《歌手2017》時受外界抨擊，問他如何陪憶蓮度過？他坦言：「我未聽過，亦未睇過，所以唔知，不過你咁講，就會令人覺得負面聲音好重要，其實呢啲在乎你點睇，你話負面就係負面咩？香港就係鍾意先貶，個個都有屁股㗎啦，但唔係個個都要去聞。」至於傳憶蓮有意引退？他就覺得鍾意做音樂的人會繼續做音樂。