期待呀！
歌手張敬軒接受電台訪問，提到新歌《缺》的錄音時間比較長，他認為歌手接到歌曲跟演員接到劇本一樣要去消化，要將別人的創作變成自己的故事：「我好鍾意林憶蓮嘅唱片《感覺完美》，負責編曲嘅馬來西亞音樂人Mac Chew當時係李宗盛音樂上嘅拍檔，我到依家都覺得呢隻碟嘅編曲係近20年來其中一個最好嘅。我好想復刻番，所以就搵Mac Chew。」
軒仔指對方近年已很少編曲，主要做演唱會的樂隊領班：「我求佢幫我！成隻新碟啲歌都係佢編，我求佢將當時幫憶蓮嘅所有Hardware拎番出嚟，《缺》前奏嘅電鋼琴其實都好多年冇人用過。」軒仔大讚對方的編曲人性化，收到成品時很有以前的感覺：「我好鍾意《感覺完美》嘅《哭》，前奏好簡單但好有情感，我有首新歌係向《哭》致敬，希望可以成為下一首派台歌，亦都希望粉絲搵番佢呢隻碟聽。」問到6月的演唱會可會找對方再合作？軒仔笑指Mac Chew收天價，加上自己有固定班底，因此應該只邀請對方編曲，而不會做樂隊領班。
No comments:
Post a Comment