Sunday, October 16, 2016

蘋果日報網即時新聞 :【未知契媽離世】倫永亮腳步浮浮 胡楓契女憶蓮約安仔聚餐

2016-10-15
圈中「大眾契爺」胡楓(修哥)與太太呂詠荷向來恩愛,二人兒孫滿堂,可惜修哥太太身體不太好,要住院休養,本月12日於浸會醫院離世(新聞連結:http://bit.ly/2ea6VHC),契女林憶蓮一向孝順,只要修哥有活動,佢都例必出席,不過12號當日,憶蓮似乎未知契媽離世嘅消息。
本周三(12號)《蘋果》就見到許志安、林憶蓮、倫永亮三個喺中環九如坊大班樓聚餐,三人傾到11點幾,仍意猶未盡,平時呢間中菜館晚上11點就清場,雖然侍應都陸續收工,不過三人都坐到11點20分左右先落樓。當時佢哋未發現記者,落緊樓梯嗰陣仍然係咁傾,就連出到門口都仲係雞啄唔斷。
三人喺門口先嚟個抱抱,攬頭攬頸咁,不過許志安好眼利,一見有記者在場,即通知林憶蓮同倫永亮,林憶蓮好似見到鬼咁,快步上車,倫永亮未知係唔係飲得好暈,腳步浮浮,上咗憶蓮架車,而許志安就收起笑容坐七人車走人。

蘋果日報 : 憶蓮安仔飯局傾唔停
2016-10-16
林憶蓮上周三晚上與許志安及倫永亮在中環九如坊大班樓飯敍,她是胡楓(修哥)的契女,當晚修哥太太離世,相信她當時未知契媽死訊。憶蓮淡妝現身飯局,平時該食肆11時清場,但三人當晚大概11時20分才離開,傾足幾個小時,要食肆關門才走。
憶蓮行出門口依然雞啄唔斷笑笑口,安仔扶實倫永亮,再和憶蓮抱抱告別。安仔發現有傳媒影相立即告訴憶蓮,憶蓮即收起笑容急步上車,倫永亮則似略有醉意,見他腳步浮浮尾隨,登上憶蓮的座駕,安仔就坐另一輛七人車走。

No comments: