東方日報 : 契仔女電話慰問 方國珊：我好傷心

2016-10-14
人緣極好的胡楓有14個契仔女，包括斑斑、方國珊、張學友、黎明、樓南光、林憶蓮、劉美君等，據知方國珊是修哥第一個契女，對契媽過身，方國珊昨日在電話中猶豫說：「知你搵我咩事，契爺話要低調，希望大家尊重，我冇辦法講啲咩，我好傷心。」
方國珊與樓南光錫到契爺燶，對契媽離世感難過。
樓南光感愕然
昨日剛由北京返港的斑斑，以短訊回覆：「我啱啱喺機場先知，好難過、好痛，啱啱打咗畀契爺慰問。」劉美君得知契媽病逝，即說：「Oh! My god!」因工作了一整天而不知情的她說：「依家唔敢打電話騷擾契爺，等我做完嘢稍後會打電話慰問佢。」
演員樓南光感到好愕然，近年他中港兩邊走，較少見契爺，以他所知契媽身體都OK：「幾年前知佢面部神經有啲事，但唔嚴重。」樓南光表示當年因電影《猛鬼學堂》與修哥結緣：「我哋一班人學友、劉美君、Sandy（林憶蓮）、陳輝虹拍得好開心，修哥一次過收晒我哋五個做契仔契女，嗰時收工通頂都唔肯返屋企擁住修哥去食早餐，修哥好長情，拍完咁多年依家都同呢啲戲嘅導演、製片有聯絡。」