綜合review33論壇意見

http://test.review33.com/software/index.php?topic=56140117135057&item=&page=1
‧Sandy唱得好soft, 令到人聲唔夠出。第三首歌電子琴有爆咪出現！炒到成二百蚊有點過份。
‧隻碟緊係恭先生打鼓,好多首歌都係鼓聲帶起節奏,真係聽耐左耳仔要休息吓,憶蓮把聲變左陪襯。
‧唉真係好賴野！第二首憶蓬好似唔舒服加上喉嚨痛咁去錄音。
::＞_＜::
‧精美布"偽"封套------＞rubbish
環球又一揾笨大作
兩首mv 就更加不知所謂，不如環保D慳番隻dvd收少幾十啦
‧你知唔知喜樂MV係憶蓮做義工D片黎?身為天后,佢教D殘障人士唱歌.分享快樂.
你買左隻碟,都吾用心去欣賞下隻碟比物信息你.
你一定吾知喜樂係由一位殘障人士寫詞,你細心睇下D詞啦.
‧朋友，我批評嘅係cd 包裝和制作，$170買一隻cd係吾係會有要求和期望呢？
如果呢隻cd用普通包裝賣$170， 你都會睇清楚有乜特別先買啦。
Sandy, 從她做DJ, 雞仔聲唱歌我已經開始聽，佢隻(瘋了)更是我的至愛.....
‧天皇，天后做慈善........(笑左)， 做善事係無分貧富尊卑的。
以上愚見，吾喜歡就忘記佢啦，繼續欣賞，享受音樂啦。
‧成日整到個盒咁大都只係想賣貴D！做唱片D大哥你哋真係唔駛攪咁多嘢！唔該將D資源放返係隻碟度就夠，做咁多儍嘢為乜？做好D隻碟、語該質量同QC好D、印刷好D、貴D我都會買，唔該你哋企係聽歌同用家方便諗吓，我哋唔係小朋友，唔會為個盒買隻碟！再係咁攪我都唔會再買喱D⋯CD, 香港做碟班大哥真係好冇誠意！真係真真真係係普通盒就夠！我哋係要隻碟唔係要個鞋盒！
‧今次除了包裝出事外，隻碟既製作就真係有點....er.....行囉。其實逢親做舊曲重編都係好難做，每首歌大家都先入為主有左主觀印象，特別好多係sandy既經典。但呢次我覺得唔係呢個問題，編曲實在係行同悶。囉隻碟黎去餐廳酒吧或電梯做background music就岩....加上隻碟既價錢....好失望呀今次.....
‧唔係禾,我覺得D band song 好好un, 錄音好靚.
仲想搵D jazz 碟一樣咁好un.
‧我同意。鼓聲無搶到憶蓮把聲。其實隻碟可以幾考機。
整體編曲多了份係Jazz bar聽歌chill嘅感覺。夜深襯杯25年single malt加冰，人生一大樂事。亦坦白講，Jun打鼓係有水準。
‧好多人話Sandy唱到無聲咁,大家要聽多幾次先feel到佢D慼情.
仲有,sandy講佢把聲唔係主角,只係音樂的一部份.
如果大家唔欣賞D band sound,可以唔洗買依隻碟.
大家一定要聽"沉淪",真係正到爆,用hifi聽,真係......
‧此碟用即興的概念去錄，本是好事！
但覺sandy 似未在狀態下去錄。
特別在破曉…
其他樂手就真係幾用心…如果出淨音樂版就好啦…
‧此碟錄音，密度夠節奏感強，是近期我較喜爱的靚錄音，憶蓮的感情表現完美，不過也讚成此CD是有点兒考机！
‧林憶蓮呢隻發燒 cd 令我極度失望, 比起胡琳的jazz them up 2 更甚, jtu 2 雖然差過 jtu 1, 但都叫做是以發燒的路向來製作, 憶蓮呢隻cd呢...我真係唔識得欣賞, 感覺好似一班朋友聚埋, 飲住啤酒嚟玩音樂自娛咁, 完全唔似係構思過一些風格嚟想比其他人共樂的, 全隻碟的編曲都係以鼓為主角, 其他樂器只是伴奏, 但 d 鼓又唔覺得好好聽, 而憶蓮的招牌 R & B 唱腔更加是完全欠奉, D 人聲縮到好似將 D 字呑晒落肚咁. 個人完全感覺唔到呢隻係發燒碟. 不過老實講, 就算呢隻只是一隻普通的流行曲 CD, 個人覺得都不合格.
‧其實...... 幾時講過係發燒碟呢？
‧天富師兄·
你聽的這兩隻CD都是近期比較考機的CD，音質與唱功都一绝，胡琳的錄音師更是殿堂级人馬，試吓去找些師兄家訪吓，必另有喜悦！
‧依隻碟錄音，好看重恭生既鼓樂，Sandy 唱得算幾好，聽落沒有鼓聲蓋過人聲問題。但首首套鼓聲都打到咁響，未必人人都會受落。整體上有些新意，鍾意聽重鼓聲底音的人，會較易受落。
‧讃同師兄說法，我聽慣jazz 樂器間的互Jam感覺，所以感到憶莲與鼓手的感情交流，其實當中的結他又洽如其份的襯托表現！
‧yes, i like the drum sound a lot. 比咁多錢買set hifi,就係要聽依D鼓聲.
仲有,依隻唔係hifi碟.只係制作認真,大家意為係hifi碟.
憶蓮講左唔係要超越原版,佢話如果大家唔鍾意,可以聽反原本version.
‧我都非常喜歡這CD，不過錄音方向並不是去迎合HiFi友。主觀地説，有音樂感，他們在享受音樂。
‧Bluetooth師兄:
我理解 HIGHEND HI-FI可以鄺大聽感的層面, 聽清楚歌者/樂手的演奏及造詣, 如:JOEY TANG的結他像懂講故事, 閔惠芬老師的二胡可以感動到聽者流淚, 若說鼓~原音2008內龍騰虎躍的鼓, 那種節奏感也可以令鼓聲活出躍動, 所以我明白合適的器材加上合適的軟件是可以令音樂尤如有生命一樣. 不過, 始終各人均有自己杯茶, HIGH-END 器材也不能令每杯茶都變得合每一個人的口味.
如師兄所說, JTU 2 是好錄音, 我是同意的, 亦感覺到此碟想在JAZZ上加添多些元素, 如 POP, ROCK, R & B等等, 但我個人覺得胡琳最耍家始終是JAZZ FEEL, 簡簡單單咁編/唱番JAZZ味的曲風, 小弟已收貨有餘.
另外, 小弟只會我手寫我心, 輕抒一下自己對某碟的聽感喜惡, 小弟明白每人都會有自己杯茶, 亦無意去評論別人的喜好或為此再作爭論, 如有得罪之處, 望各師兄見諒!
‧天富仔，各人有各人追求及喜好，不用太介懷啦！Just Enjoy the Music !
‧Thks albertmoto ching,
其實呢隻cd的錄音質數好高, 每件樂器都好清晰, 樂手水平亦高, 恭生套jazz鼓亦唔差, 可惜就是太過即興, 無也構思無也編曲咁款, 情況有點似beyond, 阿pual手結他其實好高造詣, 就係無咗家駒去編曲, 聽感當堂唔同晒. 而憶蓮原來唱唔到jazz(唔奇, 我覺得學友唱jazz都唔好聽), 淺唱咁夾硬溶入jazz 唔好聽, 有些曲目好似想走北歐的迷幻式曲風, 但憶蓮又唱唔到王菲果種feel, 所以呢隻 CD 不是我杯茶.
‧這是一張水準之上的作品，感覺就像在你耳邊細唱，與其他歌手不同，林憶蓮的演繹倒是有自己風格，全碟風格貫徹統一，放在不同的HiFi組合試聽過，歌手聲線及樂器層次都有好不同的表現，就好似她上一張"蓋亞"CD，都幾考套HiFi的表現。
‧出道差不多三十年既本地歌手，有幾多個仲肯係音樂上努力求變？Sandy仲肯冒险去嘗試，我覺得係值得支持。加了Jun入咗團隊，上張大碟我覺得制作上比较單調，呢隻開始多咗變化，不是獨家一味鼓加電子結他，好幾首歌piano都為突出，編得悦耳，唔係一味大大力勁rock
錄音方面我覺得無問題，其实取向係好個人化，克勤隻復克有些人話囗形太大人聲太標，另外D碟又話把聲太縮，我估班錄音同Mixing嘅工程師都俾我哋玩到暈，哈哈
仲有想問隻碟邊度話係jazz？DVD内？我未睇，暫只當係重新編曲心情去聽
‧咁又喺！今次隻碟是重新演繹舊作品，沒又講過是已Jazz風格來演繹，不過好多只聽HiFi碟朋友，好容易未聽就一早認定是例牌的Jazz曲調，今次專輯好又水準，值得欣賞。
‧撇開個爛鬼packing，呢隻碟嘅錄音喺香港嘅水準泥講喺算中上同有誠意，帶有八十年代歌廳酒廊live band 嘅感覺，憶蓮唱功了得但好似離開個咪有點遠，如果部機開細聲啲有時真喺聽唔到佢唱乜由其第9 track情況更甚。
總結，如果大家對飲酒唔反感的話，最好一邊飲酒一邊聽感受吓歌者想表達乜嘢，可能你對呢隻碟有更多睇會。