Friday, February 11, 2011

太陽報 : 憶蓮悉尼開騷 恭碩良黐實陪唱



2011-02-10
林憶蓮於新春首次到澳洲悉尼舉行兩場個唱,緋聞男友恭碩良繼續擔任其樂隊成員,「情侶檔」拍住上。事緣憶蓮去年在巡迴演唱會中,親自欽點恭碩良做鼓手,主動熱情地與他「交流音樂」,因而被踢爆戀情。
喪食翻脹
是次悉尼演唱會中,兩人毫不避忌地繼續合作,事後更大方影大合照,完全不避忌。席上,憶蓮大收歌迷利是,她表示會跟工作團隊分享。
憶蓮表示此行撞正當地全年最熱的日子,氣溫高達42度,她開心地說:「呢個人人熱情如火嘅新年令我好難忘,希望以後可以多啲到澳洲同歌迷見面。(有冇四圍玩?)有!演唱會之後約咗倫永亮同髮型師Kim Robinson喺悉尼留咗幾日,去咗漁人碼頭歎海鮮同埋喺Darling Harbour海邊食意大利菜。(喪食變肥?)係啦!過年前幾經辛苦減咗五磅肉,呢個Trip全部食番晒嚟!」此外,她表示過年前已籌備新碟,由澳洲返港後會首次自編自導自演新歌MV。

No comments: