Wednesday, August 26, 2009

壹週刊 : 陳輝虹唔使傾 林憶蓮 : 我信Paco

click to enlarge :


已經三年無在香港舉行個唱的林憶蓮,上週六(八月廿二日)在澳門威尼斯人酒店的金光綜藝館開騷,並透露稍後將會投入籌備明年的香港個唱,不過,對於會否交由合作開的「金牌大風」主辦,她說:「我以前同金牌合作,係因為信任Paco,而家同金牌再合作嘅機會頗微。」Paco大權被削,雖然舊愛陳輝虹跳升公司港區CEO,但憶蓮卻稱二人零接觸,態度斬釘截鐵。無聯絡
由去年六月開始,林憶蓮以南京作為世界巡迴演唱首站,分別到過北京、上海、昆明、新加坡、台北、美加及澳洲等地舉行十多場演唱會,上週六移師到澳門演出,十一月尾做完吉隆坡尾站後,明年會在香港開騷。
至於香港個唱會否交由剛「大執位」,雙方合作多年的金牌大風主辦?她擺明無面俾。「坦白講,我以前同金牌合作,係因為信任Paco,而家同金牌再合作嘅機會頗微。」
信任Paco,加上當時同陳輝虹是拍拖關係,自○五年憶蓮回歸樂壇出碟,雙方合作四年;○六年與陳輝虹分手,男方於數月後與音樂人黃丹儀閃電結婚。對於舊愛已跳升「金牌」香港區CEO,可有聯絡商量合作?憶蓮即劃清界線。「無!就算係,都唔使直接搵我,同幫我傾嘢嘅人傾就得!」

兩粒鐘60萬
跟以往一樣,憶蓮澳門個唱有大量大隻男支持,因為不少香港歌迷專誠到澳門睇騷,演唱會座位由原定五千加至八千位。
個唱兩小時收六十萬歌酬,憶蓮冇偷懶,在個唱上演繹《滾滾紅塵》、《當愛已成往事》、《至少還有你》及《愛上一個不回家的人》等廿多首歌曲;一開場便勁歌熱舞唱快歌《心野夜》及《逃離鋼筋森林》等,之後還有《傾斜》、《燒》及《灰色》等多part快歌,四十三歲寶刀未老,又唱又跳無難度。
向來身材逼爆的她,今次以四套黑白色包到冚歌衫亮相,沒有性感登場,只在穿上tube top及tubedress跳舞時,不經意露少少。其中一條黑色紮胸式長裙,因為箍實有礙換氣,憶蓮唱唱吓索性將紮在心口的皮飾拉低,變成腰封,全場起哄。

5 comments:

Anonymous said...

其實下年係HK開concert,仲有物新concept可以用呢?連最side track既歌都已經用過,好難再有突破.不過,只要係sandy肯唱,我已經好開心,Sandy, you are the best!

马来西亚Fans said...

期待Sandy既新专辑,2010新个唱.
連最side track既歌都已經用過?
但係还有太多side track未在公开场合演绎過,因为Sandy既专辑首首好歌都精挑细选.再巡回N次都cover唔晒呀.
仲有物新concept可以用呢?
Sandy多年来从来未让我地失望过.无论创新突破,重温怀旧都充满精彩新意同惊喜!新concept,大家试目以待啦.
Sandy肯继续唱Live係我地既福气.感恩憶蓮!

Anonymous said...

不醉夜...還未唱呀....really want hear this song at concert

26 said...

给等最久的人..

Anonymous said...

最佳男主角,好似concert未唱過. 唔通Sandy 覺得效果會唔好?