謝安琪扮憶蓮語氣舉動

太陽報 : 做嘉賓攬人妻加「鹽」加醋　陳奕迅教謝安琪禁慾保精力
2009-05-11
謝安琪（Kay）前晚舉行第二場紅館個唱，表演嘉賓陳奕迅在台上向Kay「教路」，開騷期間切勿與老公張繼聰同床，無謂消耗精力，搞到Kay尷尬面紅，全場爆笑！
前晚《好多謝安琪吶喊演唱會2009》舉行第二場，Kay表現淡定，再沒有甩舞和甩歌詞。陳志雲及劉浩龍等捧場，表演嘉賓陳奕迅（Eason）亦睇足全場，老公張繼聰則在觀眾席為老婆打氣。
Eason在演唱會中段出場，西裝骨骨的他掀起全場高潮，他踢爆Kay唱《十字架》時感動到喊，要飛奔後台補妝才能出場。雖然張繼聰在台下睇到實，但Kay亦不避忌與Eason親密攬腰和額頭貼額頭合唱，柔情滿瀉！
老公睇到O晒嘴
Eason以前輩語氣叮囑Kay說：「好好保住把聲，難得嘅好聲，仲有五場要唱，記得用粗鹽浸浴……唔係，係海鹽。」Eason講錯說話，台下反應更熱烈，他即加碼大耍鹽花：「記得呢幾日唔好同張繼聰瞓，費事損耗無謂精力！」全場爆笑，Kay卻面紅尷尬，撒嬌鬧Eason：「又講埋啲無謂嘢！」台下的張繼聰當然O晒嘴，觀眾大叫：「Kay面紅呀！」她即死撐說：「胭脂嚟咋！」連Eason亦笑到彎腰，掀起全場高潮。
此外，前晚Kay沒有唱歌贈母親仍哭成淚人，她憶述與監製周博賢感人經歷即灑淚。其後她表示希望學偶像林憶蓮多唱歌少說話，還扮憶蓮語氣和舉動，非常神似，令觀眾捧腹。她說：「我最希望帶畀觀眾多啲正能量，大家開心啲，用正能量面對近嚟嘅流感同海嘯。」