蘋果日報 : 玉女谷碟鬥冧客Stephy餵食麪江若琳施淚功

2008-12-01
鄧麗欣（Stephy）、江若琳和張敬軒昨日分別在九龍及新界不同地方舉行簽名會，三人各出奇謀博取fans歡心。Stephy冒寒穿上吊帶裙，親自餵男fans食麪；江若琳獲歌迷送贈鑽石頸鏈，她即眼泛淚光戴上fans；軒仔則出動赤膊猛男及獻唱林憶蓮歌曲大晒唱功。
近日金融風暴令經濟蕭條，不少行業都大受影響，唱片業也不能倖免。昨日鄧麗欣、江若琳及張敬軒分別於旺角、大埔及屯門舉行簽名會，三人都使出撒手鐧討fans歡心。Stephy昨日在旺角朗豪坊一唱片店舉行簽唱會，雖然天氣轉冷，但她仍穿吊帶裙冧歌迷，席間她親自炮製中華冷麪餵男歌迷品嚐，認真識做。
心太軟贈側田
Stephy透露最近正研究炮製甜品心太軟，問到成功後會先給那位男士品嚐？她笑說：「畀側田試食，橫掂佢冇得咀，畀啲甜頭佢啦！」Stephy表示是次活動只為300位歌迷簽名，她說：「因為場地問題，只可以簽300人，但係外面超過300人喺度，仲有fans投訴話攞唔到籌。」江若琳昨日在大埔超級城舉行簽唱會，師弟組合Square專程撐場，並送上金咪預祝師姊大碟可以達到金唱片成績。早前江若琳是非纏身，昨日她見到大班歌迷支持，感動得眼泛淚光，歌迷們還夾錢送了一條鑽石頸鏈給她，令她十分開心。她表示稍後會慶功，邀請同事們到家中品嚐母親炮製的海鮮餐，她說：「一來可以慳，同埋出街食唔係咁方便，最主要都係想同埋媽咪分享。」
軒仔瘦削失威
至於軒仔則在屯門舉行簽名會，有近400位fans支持，他即場唱林憶蓮的歌，不過當獻唱《至少還有你》時，他卻失威要睇貓紙，結果他再清唱一曲作賠罪。大會安排一位身形健碩的教練上台教軒仔玩健身，教練即場除去上衣，手臂比軒仔的大腿還要粗，令軒仔甚為尷尬，主持還叫他除衫，他即自嘲說：「早知我應該着件羽絨至真。」現場還有靚女餵軒仔食東西，認真艷福不淺。