蘋果 : 【評判假‧觀眾假‧賽果假】林憶蓮斟參加《我是歌手》第5季 網民哭求咪去

2016-12-06
唔少香港歌手對強國真人騷都趨之若騖，為加強節目效果，香港歌手都要人鄉隨俗，唱唱吓又喊又嗌又X叫，這是常識吧！
湖南衛視音樂節目《我是歌手》第5季，確定喺2017年1月推出。以往節目都會保密參加歌手名單，不過近日有消息指，屬殿堂級天后嘅林憶蓮，已確定加盟《我》節目。大陸傳媒日前搵咗同林憶蓮經理人陳鎮川回應，陳就話：「還沒有確定，在約碰面而已。」答案似乎有無限可能性……
唔少網民知道消息後，都紛紛喺憶蓮個facebook留言，絕大部份人都勸偶像唔好參加呢個節目，更有歌迷苦口婆心話大陸最鍾意大灑酬金，去做羞辱專業嘅垃圾節目，憶蓮唔應該自貶身份去參加！
其實早喺舊年，憶蓮就試過以導師身份，為《中國之星》擔任「巨星推薦人」，推薦許志安同 Gin Lee（李幸倪）出戰，有傳當時佢嘅酬金高達1,500萬人仔(約港幣1,800萬)。唔同嘅係，上次係以導師身份，而今次就以歌手身份參賽！
節錄部份歌迷留言：
「以憶蓮的地位，完全不需要上這種噱頭比音樂重要的大陸灑金騷。」
「我討厭大陸呢啲用大筆酬金去羞辱專業嘅垃圾節目，我搵唔到一個可以接受嘅理由佢要去自貶身份，唔開心。」
「真人做假騷，評判假、觀眾假、所謂賽果一樣是假，只有廣告及酬金是真的，真正尊重音樂的話， 請别參加 !」
「唔好去呢D垃圾倒模節目啦！簡直係人生嘅汚點！」
「你識唱歌，唔識x叫，會被歧視，講完。」
「大陸真係除咗騙子乜都係假嘅，參加呢啲節目揀直浪費生命，為個假show認真準備係對唔住自己。」

憶蓮斟《我是歌手》歌迷勸阻
2016-12-07
林憶蓮去年以導師身份為《中國之星》擔任「巨星推薦人」，有傳湖南衛視下月推出的節目《我是歌手》第五季，有意找憶蓮助陣，其經理人陳鎮川表示還沒確定，但未有否認。
不少網民知道後，都於憶蓮facebook留言，勸她不要參加，認為會貶低身份。據聞去年現身《中國之星》酬金高達1,500萬人民幣，誘惑的確幾大。