憶蓮新碟有三位監製

恭碩良同憶蓮唔講公事：但音樂交流幾Professional
2015-09-26
恭碩良（Jun）噚晚喺銅鑼灣名店坊擔任嘉賓，並唱咗三首歌。問到嚟緊中秋節點過，Jun就九唔搭八話：「喺北京返嚟香港，主要做唱片製作，同英國及內地監製見面，此行為Sandy（林憶蓮）新碟監製，碟中有三位監製，我係其中一位，原本應承Sandy唔好講，隻碟進行第二個階段，未知幾時正式出街。」
Jun又話去完內地做碟後，發現好多好耐冇見歌手，自己都希望佢哋出返嚟，問佢例如邊個呢？Jun話：「我自己就92﹑93年出道，希望彭羚，你問我我就咁噏啦，總之想一啲好似Sandy咁有功力﹑亦咁有代表作的人出返嚟，係好開心的事。」
問到Sandy有冇表達滿唔滿意佢製作呢？Jun再次九唔搭八話：「我哋好多公事都唔講，但音樂交流就幾Professional，我哋有共通點0架，音樂係我哋幾好嘅溝通。」
近期掀起麥當娜搶飛熱，問佢有冇搶到？佢話：「有呀有呀，搶到呀﹗」咁犀利，咁搶到幾多呢？Jun先認真表示：「梗係搶唔到啦，自己都想去外國睇，點解會咁講呢？想試下講我搶到飛嘅感受。（坐喺螢幕前搶飛？）通常有人幫我手囉﹗」