蘋果日報 : 憶蓮蹺恭碩良示愛

2013-02-09
現年46歲嘅林憶蓮同35歲嘅恭碩良呢對姊弟戀，有話因為恭碩良掂憶蓮14歲嘅囡囡喜兒，所以佢兩個拍拖唔需要咁避忌。噚日喺機場見到林憶蓮同恭碩良，恭碩良拎住大件樂器喺閘口等查證件，成班記者即刻走埋去影相，佢哋兩個唔單止冇避忌同冇黑面，反而笑晒口任影。
問佢兩個去邊度玩、係咪去第二度過情人節？佢哋都笑笑口，但就唔答，影影吓恭碩良攞住件樂器遮住塊面，憶蓮就突然間主動蹺住恭碩良，仲成個頭挨落男友嘅膊頭，臨入閘之前，恭碩良同大家講：「新年快樂！」