49歲林憶蓮同38歲恭碩良(Jun)四年前撻着發展「姊弟戀」，雖然兩人年齡相差11年，但完全冇阻兩人發展，恭碩良更由最初好抗拒畀記者影相，到依家即使發現記者都會笑笑口，同憶蓮越愛越高調；越愛越甜蜜，完全唔再避忌，盡情享受拍拖生活。
噚晚接近10點，《蘋果》發現恭碩良揸車載女友去數碼港拍拖睇戲，不過今次同行仲有一個年輕男，恭碩良抵達戲院門外，先畀憶蓮同年青男落車入戲院買戲票，憶蓮同年輕男亦明顯好熟絡，邊行邊傾，年輕男仲不時講到大聲笑。
噚晚佢哋睇嘅戲係10點鐘開場、湯漢斯主演嘅電影《換諜者》，因為已經到咗開場時間，所以憶蓮一入戲院即刻飛奔去買戲票，再等男友恭碩良泊好車後去小食部掃小食，最後足足遲咗10分鐘先入場。
不過，雖然睇少咗10分鐘，但恭碩良噚晚心情好靚，會合憶蓮後全程笑咪咪，不時用手輕攬女友纖腰，著黑衫牛仔褲，一身青春打扮嘅憶蓮就似足小女孩，男友買好汽水，佢就負責插飲管，相當細心。不過，相信佢哋噚晚睇戲前仲未食晚飯，事關三個人除咗買咗3大杯汽水，仲買咗熱狗同埋幾包爆谷，真係好肚餓喎！
蘋果日報 : 帶電燈膽睇戲照溫馨 恭碩良攬腰 憶蓮冧笑
2015-10-23
【數碼港】今年49歲嘅林憶蓮同38歲恭碩良拍拖4年，雖然兩人年齡相差11載，但呢對「姊弟戀」發展得好好喎，恭碩良更由最初好抗拒畀記者影相，到𠵱家即使發現記者都會笑笑口，同憶蓮越愛越甜蜜。
前晚接近10點，恭碩良揸車載女友去數碼港拍拖睇戲，不過今次唔係二人世界，同行仲有一個年輕男，恭碩良抵達戲院門外，先畀憶蓮同年輕男落車入戲院買戲票，憶蓮同年輕男明顯好熟絡，邊行邊傾，年輕男仲不時講到大聲笑。
掃10分鐘小食
前晚佢哋睇湯漢斯主演嘅電影《換諜者》，套戲係10點鐘開場，但佢哋抵步時已經差唔多係開場時間，所以憶蓮一入戲院即刻飛奔去買戲票，恭碩良泊完車後小跑步急急會合女友，但入場前三人喺小食部掃小食掃足10分鐘。
而恭碩良前晚心情相當好，會合憶蓮後全程都笑咪咪，又不時用手輕攬女友纖腰，着牛仔褲青春打扮嘅憶蓮就似足小女孩，全程依偎喺男友身邊。不過，相信佢哋前晚睇戲前仲未食晚飯，事關三個人除咗買咗3大杯汽水，仲買咗熱狗同埋幾包爆谷，好似真係好肚餓！
No comments:
Post a Comment