頭條日報 : Kary渴望林憶蓮當嘉賓

2010-12-06
吳雨霏 1．30紅館圓夢 組Band爆樂翻轉舞台 要玩盡Rock N Roll！
主持：黃柏高
我敢說，作為歌手，能踏上紅館開個人演唱會的，必有份量，須知道，紅館是歌手的考驗場，是成功必經之路，今天的吳雨霏Kary終於圓夢，下月的《Kary On》將集結多個音樂單位，組Band爆樂，誓要在紅館舞台上勁歌熱舞，玩盡Rock N Roll。
吳雨霏Kary愛玩真音樂，從Cookies開始已非池中物，樂迷看着Kary長大，須知道，音樂路不易行，今天她成功了，踏上紅館開個人演唱會便是最好證明。
「紅館第一次，自己有很多idea，跟監製開會提過，希望今次可以去到盡，唔怕講，依家仲未識驚，唔緊張，知道很多人支持自己，真係好開心。去年《Lady K》學會很多新事物，過去一年不斷累積Rock Music，這次《Kary On》想Rock啲、有型啲，開三面台，服裝設計會更大膽和誇張，會模仿Lady GaGa，她的歌和形象都好正，但唔代表會好性感。」
努力操鼓獻技
歌手開騷，音樂班底非常重要，要牽動觀眾情緒和捉緊每個節奏非易事，吳雨霏說要玩Rock Ｎ Roll，這個想法非常正確，有誰不想盡情放鬆一下。
「樂隊未定實，以往開騷會搵Band Leader統籌，但今次想跟不同音樂單位合作，希望出來效果再勁啲。當然唔少得玩樂器，我會打鼓，你知嘛，好少女仔打鼓，感覺好正，也會彈結他，相信現場氣氛會好高漲。」
勁歌熱舞不留力
我常說，演唱會成功與否，看現場觀眾的情緒可知，上半場演繹經典金曲，下半場勁歌熱舞便可，然而，吳雨霏說要去到盡，由頭帶到尾，已積極狂操體能的她誓要翻轉舞台。
「我冇打算要留力，會200%上陣，決定開騷已開始準備，體能方面，練歌跑步未停過，但唔敢戒口，怕減磅過度反而唔好睇，太瘦好難操肌肉。營養師要我多食蛋白質、澱粉質，還會找私人教練陪我操體能，始終有人陪住就唔會心散。」
渴望林憶蓮當嘉賓
早已視林憶蓮為偶像，吳雨霏說希望紅館處女騷能跟偶像合唱一曲，這個願望我 (Kary) 會想辦法替她實現。
「好多人問我想請誰人擔任嘉賓，一如以往，上次《Lady K》都講過，我真係好想請林憶蓮當嘉賓，好欣賞她的唱功，好穩定好有味道，如果可以合唱一曲更好。今次演唱會前，會推出一張廣東專輯，主打作《我傻女》由伍樂城作曲，林夕填詞，歌詞好感動人，林夕真係好，老實講，《我傻女》好難唱，比《逼得太緊》更難，是一個新挑戰。」 Paco 吳雨霏