新報 : 王菀之收稅單嘆收入減半

2010-10-20
林憶蓮、和王菀之昨晚一起出席商場活動，王菀之表示跟天后級人馬林憶蓮是跟同一師傅學唱歌，她笑謂：「咁我梗係師妹啦！」最近傳聞有唱片公司擬投資卡拉OK生意，這樣一來便可以增加歌手的收入，王菀之聞言即說：「我最近收到版權稅嘅通知信，真係嚇咗一大跳，收入少咗足足一半呀！（跟TVB封殺四大唱片事件有關？）唔清楚，好在我係歌手同創作人，所以有兩方面嘅收入，如果淨係做歌手的話，收入一定有嚴重影響。」王菀之又無可奈何的表示，作為藝人好多事都很被動。