頭條日報 : 內地開Show賺到笑 林憶蓮與友開心飯聚

2010-05-27

林憶蓮近年少在香港公開場合露面，又久未推出專輯，不過，這位44歲的「童顏」巨星其實相當忙，皆因她由去年開始，已不斷到國內舉行巡迴演唱會，賺人民幣都賺到笑。上周日晚，剛與陶喆等人在長沙舉行群星演唱會的憶蓮，一回港便帶埋囡囡李喜兒，相約老死倫永亮及一班朋友鋸扒食海鮮聯誼。當晚，密密食又密密傾的憶蓮非常開心，頻頻掩嘴大笑，就算被食客眼望望依然懶理。

自06年與翻撻舊愛陳輝虹再次分手後，4年來，憶蓮的真命天子一欄仍然懸空；不過，她有女萬事足，加上仍深受歌迷歡迎，愛情失意又如何？

憶蓮笑住食

上周日晚，在內地剛開完Show的憶蓮即趕返香港與朋友在銅鑼灣Tony Roma's飯聚，席上除了囡囡喜兒外，還有數名男女友人及小朋友，飯局一開始，眾人已傾得非常興奮，笑聲不絕。倫永亮其後突然加入並坐在憶蓮旁邊，其時，眾人Order的頭盤送到，憶蓮密密食，又與老友密密傾，兩個鐘，話咁快就過。離開時，憶蓮先往付泊車費，然後載着囡囡離開，後Join的倫永亮就與兩名友人邊行邊傾住走。