歌手側田接受TVB娛樂新聞台節目《StarTalk》訪問，大談第七次上紅館開演唱會的感受。側田表示今次已是第八次開演唱會，其中有七次於紅館舉行，笑言開騷真的會上癮，希望可以唱到身體不容許為止。他又坦言有想過將年半前的騷變為Part 2，但好似不尊重觀眾，而且隔了年半，想給一些新的感覺給大家才有誠意，他又說：「其實每次開演唱會都想做得好過之前，進步係好難，好似打機咁，就算我以前打爆咗《街頭霸王》，仍然想再打，不過要全勝咁過關又或者用死同一個角色打。」
側田亦感恩擁有很多好歌：「《命硬》可能係唱得最多嘅歌，本身首歌想寫畀林憶蓮，但Timing唔啱冇要到，所以自己攞番嚟唱，多謝黃偉文嘅歌詞，首歌係講唔好歧視，好似我自己咁，愈睇死我，我愈要做畀你睇，例如話我追唔到女仔，我就會去追，就算我唔鍾意佢，我都要去做，我試過㗎！（咁會傷害到個女仔？）因為細個，我喺美國長大經常發生，我生得細粒，又係華人，實有好多呢啲經歷。」
No comments:
Post a Comment