早前在湖南衛視歌唱節目《歌手2017》取得總冠軍的林憶蓮，今晚喺紅館為一連四場嘅《PRANAVA/造樂者安哥場》展開序幕，日前遭杜汶澤在facebook炮轟、指訪問時遭對方冷嘲熱諷的商台高層及主持梁泰來（Terry）也有前來捧場，但繼續拒絕為杜汶澤指摘作回應。
個唱個開三面台，憶蓮一身黑短裙出場，見她束起頭髮，前蔭額蔭熨得貼貼服服。憶蓮先後唱出《蓋亞》和《無言歌》兩首國語歌，直至她獻唱第三首唱廣東歌《天大地大》時，觀眾反應明顯較之前熱烈。而憶蓮男友恭碩良則見長滿鬍鬚在現場負責打鼓。
憶蓮唱《愛上一個不回家的人》時，有舞蹈員跳現代舞，憶蓮也有坐在舞蹈員背上，其後女dancer從後攬住憶蓮，在她身上摸來摸去，但摸到心口位置時只是隔空觸摸，未有真的觸碰到。
換上紅色短裙上陣嘅憶蓮之後獻唱《盛夏光年》，彈住結他升台現身。一曲既畢，有歌迷上前獻花，憶蓮感謂：「多謝大家嚟睇呢個騷，我心情好激動！頭先唱咗幾首歌，好期待返嚟做演唱會Part2。」又問歌迷邊個有睇過佢嘅Part 1，說罷與觀眾揮手，然後謂：「今晚買咗飛嚟睇嘅人，我知你哋好錫我，我好感動！今次開Part 2，將更多Part 1想呈現比大家睇嘅嘢都會俾大家睇，同埋Part 1有改進嘅地方同埋更加多嘅創意、更多意念會好清晰喺舞台呈現俾大家睇。」
No comments:
Post a Comment