2017-06-13
一個歌手要成功，要夠紅，一把靚聲當然唔少得，但有好多人可能因為天生一把雞仔聲而卻步，但你又記唔記得樂壇有唔少雞仔聲歌手，而且仲有一啲仲要係天后級，所以邊個話雞仔聲唔得！
被指雞仔聲的汪明荃，曾經因為翻唱楊千嬅的《少女的祈禱》，成為網友寵兒。
著名音樂監製鄧智偉表示，佢從來唔會用雞仔聲，鵝公喉，老牛聲嚟形容任何人：「我從來唔會用哩啲字眼，亦唔知道有咩分別。我覺得其實有無所謂嘅雞仔聲都唔重要，唱歌最緊要有獨特性，依家好多人開始聽慣以前嘅聲線，所以我覺得聲線越獨特越好，越有signature（特色）先會有人關注。我唔理佢把聲『好虛』，『鞋鞋哋』定係『好薄』，其實都有佢哋嘅特色，只要唔係五音不全，有唱功，識唱歌，加上監製識去搵啱佢哋嘅歌就可以。」（現時邊個歌手有特色？）鄧志偉：「冇！林憶蓮係Legendary，好有特色，但好可惜新一代真係冇！」
（阿姐）汪明荃入行50年，不論歌曲或電視劇甚至主持節目樣樣皆精，除了粵劇及電視劇，唱歌事業上亦有唔少代表作包括《金絲雀》、《萬水千山總是情》及《勇敢的中國人》等等。「阿姐」除了喜愛演繹自己歌，也不時翻唱後輩嘅作品。「阿姐」曾經因為翻唱楊千嬅嘅《少女的祈禱》引嚟網友追捧，發起「發動高登力量」萬眾齊心支持汪明荃活動。
林憶蓮
天后林憶蓮，實力不容置疑。年紀輕輕就入電台做DJ嘅佢，1985年入樂壇，當年入行時被指雞仔聲所以不被睇好，結果唱出多首金曲：《灰色》、《灰色》、《明天是否愛我》、《依然》、《激情》、《傷痕》及《至少還有你》等等紅遍大中華，1995年專輯《Love, Sandy》總銷量達400萬。
王菀之
演戲唱歌作曲樣樣掂嘅王菀之，雖然成日被指有一把雞仔聲，但剛出道已被人形容為「天籟之音」。2012年推出由林夕填詞嘅作品《留白》，更奪得，「四大音樂頒獎禮歌曲獎」及，「十大勁歌金曲頒獎典禮金曲金獎」，「天籟之音」美譽實至名歸。
泳兒
歌手泳兒，當年參加，「2005年度英皇新秀歌唱大賽」，憑住出色嘅唱功，奪得亞軍並簽約英皇娛樂成為旗下歌手。泳兒參賽嘅時候已經被指聲線似王菲，出道後亦有翻唱王菲作品《天空》，今年亦推出與黎瑞恩合唱嘅新歌《搖籃曲》。
No comments:
Post a Comment