天后林憶蓮最近參與內地音樂節目《歌手2017》，上星期更勇奪第一位，在下星期六播出的一集，憶蓮會唱出王菲的《多得他》，事後她亦說︰「當年跟王菲唱這個歌的時候其實也很緊張，因為是現場表演，好不好要一次性決定。但是我覺得這種好的歌曲會讓歌手覺得特別有挑戰，用緊張的心情希望把它唱好。」
其實林憶蓮與王菲在1992年曾經同台合唱這首歌，填詞人黃偉文今天在面書上載當年兩位天后唱唱《多得他》的影片，並說︰「呢一幕，係我同 Kwok Kai Wah Wallace(郭啟華)度出來的。(其實當年成段林夕tribute，同91-95年商台各種大小concert的rundown，你看過的記得的903製作，絕大部份都是，因為當時公司根本無人肯度無人得閒度，得我同佢好中意度好唔介意度，所以一年三四十個show，得我哋兩個做哂creative咁滯，卻造就了幾年美好的回憶，和練功。也想不到這幾年的「少林寺」經驗，最後會造福了後來自己的 Concert YY。)(唔好意思，事隔多年，喺死無對證灰飛煙滅之前，真係忍唔住，好想好唔humble地認一次叻。請取笑。)」
講開林憶蓮王菲的「多得他」，後來 Kwok Kai Wah Wallace 和我還有次玩更大的，拉埋關淑怡落水，聯同廿幾位dancers排晒舞，在紅館台上合唱 Madonna 的 Vogue (因為只有聲帶沒有拍下影像，所以形容詳細一些，讓大家自行「腦補」畫面)。
說起來，那幾年的逢show必度，雖然做到我們趴喺度，但能決定誰和誰在什麼場合怎樣的setting下表演哪首歌，撮合各種可一不可再的合唱 (是的，類似的大明星也許TVB都請得動，但他們無論請到哪個具「世紀對唱」潛質的歌手組合，都是一次又一次毫無心思地迫他們合唱"朋友""Stand by me""最緊要好玩"或者"TVB歷代電視劇主題曲40年Medley"，哪有我們的心思和創意。)，還有幸把各大天王天后當成Barbie一樣調度擺佈，也真是一段難得的奇緣。
(當年資源與科技所限，散失的精彩錄音不幸頗多，當中我記得有年「除夕龍鳳配」中，我們讓憶蓮重唱了甄妮的「冷冷的秋」，也是神乎其技、好聽到爆！有無人竟然有keep？)
蘋果
2017-03-10
【真係多得他】林憶蓮王菲92年合唱被搜尋 Wyman：忍唔住認一次叻
喺90年代娛樂圈百花盛放，無論喺電影、電視同音樂，每一個範疇都有代表人物，喺音樂方面，當時四大天王劉德華、張學友、黎明同郭富城幾乎雄霸咗樂壇，不過女歌手方面亦唔輸蝕，嗰陣除咗梅艷芳之外，王菲、林憶蓮、葉蒨文、彭羚同埋關淑怡呢班後起之秀，亦都不容忽視！
不過時移勢易，0依家呢班歌手淡出嘅淡出，就算唔淡出，大部份時間都北上巡迴賺人仔，天后級嘅林憶蓮最近仲參加湖南衛視嘅《歌手2017》，同一班後輩爭第一名，噚晚錄影嘅第9集《歌手》，憶蓮嘅出賽歌揀咗王菲嘅《多得他》，唔少人聽到如痴如醉，仲發現喺1992年創作人音樂會裡面，憶蓮王菲曾經同台唱過呢首歌！
比賽之後憶蓮亦都有提當年合唱呢件事：「當年跟王菲唱這個歌的時候其實也很緊張，因為是現場表演，好不好要一次性決定。但是我覺得這種好的歌曲會讓歌手覺得特別有挑戰，用緊張的心情希望把它唱好。」
黃偉文(Wyman)今日喺fb亦有po當年佢哋合唱呢首歌嘅MV，佢仲留言話：「呢一幕，係我同 Kwok Kai Wah Wallace(敦啟華)度出來的。(其實當年成段林夕tribute，同91-95年商台各種大小concert的rundown，你看過的記得的903製作，絕大部份都是，因為當時公司根本無人肯度無人得閒度，得我同佢好中意度好唔介意度，所以一年三四十個show，得我哋兩個做哂creative咁滯，卻造就了幾年美好的回憶，和練功。也想不到這幾年的「少林寺」經驗，最後會造福了後來自己的 Concert YY。)(唔好意思，事隔多年，喺死無對證灰飛煙滅之前，真係忍唔住，好想好唔humble地認一次叻。請取笑。)」
唔少網民睇完之後，留言話：「呢幕當年震撼至今！多謝你！」、 「多做多錯，唔做唔錯。 但唔做就失去了學習及鍛鍊的好機會。」、「多得你地！我地至有咁美好的流行曲回憶！」
不過呢首歌又係出自「詞神」林夕嘅手筆，按照慣例，喺節目裡面「被消失」！難怪回憶總是美好的。
No comments:
Post a Comment